24 قاڭتار، 2019

پەتروپاۆل جەو-ى جاڭعىرتۋ جۇمىستارىنا 45 ميلليارد تەڭگە جۇمسادى

374 رەتكورسەتىلدى

 

ايماق باسشىسى  قۇمار اقساقالوۆ پەتروپاۆل  №2 جىلۋ ەلەكتر ورتالىعىندا بولىپ،  تۇرعىنداردى جىلۋمەن قامتاماسىز ەتۋ بارىسىمەن تانىستى.

ء«تاريفتى ينۆەستيتسياعا الماستىرۋ» مەملەكەتتىك باعدارلاماسى اياسىندا اۋقىمدى شارالار  اتقارىلعانىن مەكەمە ديرەكتورى ۆيكتور بارمين ايتىپ بەردى.

4 قازاندىق، 3 تۋربينا جاڭارتىلىپ، 45 ميلليارد تەڭگە  باعىتتالدى.

جاڭعىرتۋ  جۇمىستارىنىڭ ارقاسىندا ستانتسيانىڭ ەلەكترلىك قۋاتتىلىعى 380 مۆت-تان  541 مۆت-قا ە دەيىن كوبەيدى. ەنەرگيا ءوندىرۋ كورسەتكىشى جىلىنا شامامەن 831 ملن كۆت قۇرايدى. مۇنىڭ ءوزى 103 مىڭ توننا قاتتى وتىن ۇنەمدەۋگە مۇمكىندىك بەردى. بۇدان بولەك، ترانسفورماتورلار قالپىنا كەلتىرىلدى»، دەدى ول.

بيىل  ەنەرگيانى جىلدام تاراتۋ ماقساتىمەن اشىق تاراتۋ قۇرىلعىسىن قايتا قۇرۋ جوباسى جۇزەگە اسىرىلادى. بۇگىندە وبلىس تولىققاندى ەلەكتر ەنەرگياسىمەن  قامتاماسىز ەتىلىپ وتىر. سونىمەن قاتار كورشىلەس ايماقتارعا ەكسپورتتالاتىن قۋاتتىڭ دا كولەمى ارتتى.

قۇمار اقساقالوۆ «سەۆكازەنەرگوسبىت» سەرىكتەستىگىندە دە بولدى.  كومپانيا باس ديرەكتورىنىڭ مىندەتىن اتقارۋشى ماعاۋيا ساعىندىقوۆتىڭ ايتۋىنشا،  ەلەكتر قۋاتىمەن قامتۋ جايلى كەلىسىم 1 كۇننىڭ، جىلۋ تاراتۋ بويىنشا 5 كۇننىڭ ىشىندە جاسالادى. تۇرعىنداردىڭ ءوتىنىشى ەسكەرىلىپ،  ء«بىر تەرەزە» قىزمەتىنىڭ سانى ارتتىرىلىپتى.

قۇمار  ىرگەباي ۇلى كاسىپورىن ديرەكتورىنا ەلەكتروندى تۇردە تولەم جاساۋ ءۇردىسىن دامىتۋ قاجەتتىگىن ايتتى. سەبەبى، تۇتىنۋشىلاردىڭ 45 پروتسەنتى ورتالىققا كەلىپ،  قولما قول ەسەپ ايىرىسادى ەكەن. وسىنىڭ سالدارىنان  كەزەك كۇتىپ قالۋ فاكتىلەرى از كەزدەسپەيدى.

«موبيلدىك قوسىمشاعا باسىمدىق بەرۋ كەرەك.  كيۆي-قالتادان اقشا اۋدارۋ ءىسىن دە دامىتقان ابزال» دەگەن وبلىس اكىمى ەلباسى تاپسىرماسى  ارقاسىندا  تاريفتەردىڭ تومەندەگەنىن اتاپ كورسەتتى.  ەلەكتر ەنەرگياسىنىڭ ءتاريفى – 9،3، سۋدىكى – 9، كارىزدىك جۇيە – 3، گازبەن جابدىقتاۋ – 1،6، تۇرمىستىق قالدىقتاردى شىعارۋ 5 پروتسەنتكە ارزانداعان.  دەمەك  جىلىنا تۇرعىنداردىڭ 700 ميلليون تەڭگەسى ۇنەمدەلەدى دەگەن ءسوز.

ءومىر ەسقالي،

«ەگەمەن قازاقستان»

سولتۇستىك قازاقستان وبلىسى

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ءبارىمىزدىڭ ابايىمىز

رۋحانيات • كەشە

ۇقساس جاڭالىقتار