بۇل جونىندە وبلىستىق جولاۋشىلار تاسىمالى جانە اۆتوموبيل جولدارى باسقارماسىنىڭ القا وتىرىسىندا بەلگىلى بولدى.
پەتروپاۆل اۋەجايىنىڭ حالىقارالىق مارتەبەسى بولعانىمەن, ۇشاقتار ازىرشە استانا, الماتى, شىمكەنت شاحارلارىنان عانا قاتىنايدى. بىلتىر اۋەجايدىڭ قىزمەتىن 17 مىڭنان استام ادام پايدالانعان. بۇل 2017 جىلمەن سالىستىرعاندا 13 پايىزعا كوپ.
«اۋە رەيستەرىنىڭ سانىن ۇلعايتۋ كەرەك. باعا قازىر كوڭىلگە قونىمدى. استاناعا دەيىن بيلەت قۇنى بار بولعانى 10 مىڭ تەڭگە تۇرادى. جولاۋشىلاردىڭ سانى ءبىرشاما ءوستى. بۇل جۇمىستى ودان ءارى شيراتۋعا ءتيىسپىز. ءبىز اۋەجايدى باسقارۋدى جەكە كومپانيالار مەن شەتەلدىك ينۆەستورلارعا بەرۋگە ءازىرمىز», دەدى القا وتىرىسىندا سويلەگەن سوزىندە ايماق باسشىسى قۇمار اقساقالوۆ.
بيىل وبلىستا تانىمال شەتەلدىك كۋرورتتارعا اۋە رەيستەرىن اشۋ بويىنشا جۇيەلى شارالار اتقارۋ بەلگىلەنىپ وتىر. سونىڭ ءبىر مىسالى جوعارىدا ءسوز ەتكەنىمىزدەي جازدا سولتۇستىكقازاقستاندىقتار مىسىر ەلىنىڭ شارم-ەل-شەيح كۋرورتىنا پەتروپاۆلدان تىكەلەي ۇشۋ مۇمكىندىگىنە يە بولادى. جولاۋشىلار تاسىمالى جانە اۆتوموبيل جولدارى باسقارماسىنىڭ باسشىسى ۆلاديمير بالاحونتسەۆتىڭ ايتۋىنشا, بۇگىنگى تاڭدا پەتروپاۆل اۋەجايى, «سكات» اۋە كومپانياسى مەن جەرگىلىكتى تۋرفيرمالار اراسىندا شارم-ەل-شەيح كۋرورتىنا تىكەلەي اۋە رەيسىن اشۋ تۋرالى كەلىسىمگە قول قويىلىپتى.
ۇشاقتار شىلدەدەن قىركۇيەككە دەيىن, ياعني جاز ايلارىندا قاتىنايتىن بولادى. بۇگىنگى كۇنى تۋرفيرمالاردىڭ ءبىرى قىزىل تەڭىز جاعالاۋىنداعى دەمالىس ورىندارىنا بيلەتتەردى برونداپ ساتا باستاعان. 19 ماۋسىمعا جوسپارلانعان ونكۇندىك دەمالىس ءۇش جۇلدىزدى قوناق ۇيدە شامامان 222 مىڭ تەڭگە تۇرادى. شارام-ەل-شەيح كۋرورتىنا دەم الۋ ءۇشىن ەڭ قىمبات باعا 343 مىڭ تەڭگەنى قۇرايدى. بۇعان ۇشۋ باعاسى, ترانسفەر, وتەلدە تۇرۋ جانە تولىق تاماقتانۋ كىرەدى.
ء ومىر ەسقالي,
«ەگەمەن قازاقستان»
