ماڭىزى زور جارىستا قازاقستاننىڭ تۋى استىندا يۋليا پۋتينتسەۆا, زارينا دياس, اننا دانيلينا جانە گوزال اينيتدينوۆا ونەر كورسەتەدى. العاشقى ەكەۋىنىڭ ەسىمى كوپشىلىككە جاقسى تانىس. بۇل كۇندەرى WTA رەيتينگىندە 24 جاستاعى يۋليا 39 ورىندا تۇرسا, 25 جاستاعى زارينا 95 ساتىعا جايعاستى. ەكەۋى دە بىرقاتار ءىرى حالىقارالىق تۋرنيردە ايتارلىقتاي تابىستارعا قول جەتكىزىپ ءجۇر.
استاناداعى تۋرنيردە قازاقستان «ا» توبىندا ونەر كورسەتەدى. قارسىلاستارىمىز – تايلاند پەن ءۇندىستان قۇرامالارى. «ۆ» توبىندا وڭتۇستىك كورەيا, قىتاي, يندونەزيا جانە مۇحيت جاعالاۋى تەننيسشىلەرى كۇش سىناسادى. وسى قوس توپتان وزعان ءبىر عانا كوماندا الەمدىك توپتىڭ ەكىنشى كەزەڭىنە جولداما الادى.
عالىم سۇلەيمەن,
«Egemen Qazaqstan»
