فوتو: سالتورە ساپارباەۆ
ونىڭ ايتۋىنشا, تاياۋدا Snow Leopard Foundation حالىقارالىق قورى جۇمىسىنىڭ بەلسەندى فازاسىن باستادى. قور ماقساتى - قازاقستانداعى قار بارىسىنىڭ پوپۋلياتسياسىن قالپىنا كەلتىرۋ. بۇل ماقساتتا ۇيىم قىزمەتكەرلەرى براكونەرلەردەن الىنعان جارالى بارىستارعا ارنالعان قالپىنا كەلتىرۋ ورتالىعىن جانە ولاردى قايتا جابايى تابيعاتقا جىبەرۋگە دايىندايتىن تالىمباق اشۋعا نيەتتى. سونداي-اق قورداعىلار تابيعاتتاعى قار بارىستارىن ەسەپتەپ, ساقتاۋدىڭ ادىستەرىن كۇشەيتكەلى وتىر.
«فوتوقاقپاننىڭ ارقاسىندا سانى قانشا ەكەنىن انىقتاپ, ID پاسپورتىن جاساپ, ءار بارىسقا ات بەرەمىز. سويتسەك, فوتوقاقپاندا سيم-كارتا بار ەكەن, ول سۋرەتتى كەڭسەگە دەرەۋ جىبەرەدى. قازاقستاندا جۇزگە جۋىق بارىس بار شىعار, ال فوتوقاقپانىمىز بولعانى وڭىردە 15-اق. زوولوگيا ينستۋتىمەن جانە ۇلتتىق ساياباقپەن بىرلەسىپ, ادىستەمە جاساپ, وسى جانۋاردى ەسەپكە الۋ مەن ساقتاۋدىڭ قاجەتتى تەحنيكاسىن ساتىپ العىمى كەلىپ وتىر», - دەيدى ە.ەركىنباەۆ.
ايتا كەتەيىك, باعدارلامانى نەگىزىن ءنۇرالى اليەۆ قالاعان Snow Leopard Foundation قورى قارجىلاندىرادى. ونىڭ جەتەكشىلىگىمەن قازاقستانداعى قار بارىستارىن ساقتاپ قالۋعا ارنالعان KingdomofSnowLeopard جوباسى ىسكە قوسىلعان.
ءنۇرالى اليەۆتىڭ ايتۋىنشا, ول وسى قوردى اشۋ يدەياسىن كوپ ويلاپ, قازاقستاندا الداعى ونداعان جىلعا قار بارىستارىنىڭ پوپۋلياتسياسىن قالپىنا كەلتىرەتىن وسىنداي جوبا قۇرۋ قاجەت دەپ تاۋىپتى. «قار بارىسى - تاۋەلسىز قازاقستاننىڭ سيمۆولى. الايدا شيرەك عاسىرعا جەتپەيتىن ۋاقىتتا قازاقستاندا ونىڭ پوپۋلياتسياسىنا 40 پايىزعا قىسقارىپ قالعان», - دەپ اتاپ ءوتتى ول.
