جوبا مەملەكەتتىك-جەكەمەنشىك سەرىكتەستىك اياسىندا جۇزەگە اسىپ, جارتى ميلليارد تەڭگە جۇمسالدى. بۇدان بىلاي سولتۇستىكقازاقستاندىق وفتالمولوگتار كوز اۋرۋلارىن ەمدەۋ ءۇشىن يننوۆاتسيالىق ادىستەردى كەڭىنەن قولداناتىن بولادى. بولاشاقتا بالالار وفتالمولوگياسىن دامىتۋ, كوزدىڭ ىشكى قابىعى اۋرۋلارىن ەمدەۋ جوسپارلانىپ وتىر.
ورتالىقتىڭ اشىلۋى مەديتسينالىق قىزمەتتەر سانىن كوبەيتۋگە دە مۇمكىندىك بەردى. كلينيكادا تاۋلىك بويى كەڭەس-دياگنوستيكا جانە ستاتسيونارلىق كومەك كورسەتىلىپ, كۇردەلى كوز اۋرۋلارى ەمدەلەدى. مەملەكەتتىك تاپسىرىس اياسىندا تەگىن ەم الا الادى. اقىلى قىزمەت تۇرلەرى دە كورسەتىلمەك.
«وڭىردە كوز اۋرۋلارى بويىنشا 7 مىڭعا جۋىق ادام ديسپانسەرلىك ەسەپتە تۇر. ءبىزدىڭ ماقسات – تۇرعىندار ءۇشىن جەرگىلىكتى جەرلەردە ساپالى مەديتسينالىق قىزمەت ۇيىمداستىرۋ. بۇرىن سولتۇستىكقازاقستاندىقتار كوز اۋرۋلارىن ەمدەتۋ ءۇشىن ەلىمىزدىڭ باسقا وڭىرلەرىنە, شەتەلگە باراتىن بولسا, ەندى ولاي سابىلمايدى. كوپ وتا كەپىلدى تەگىن مەديتسينالىق كومەك اياسىندا تەگىن جاسالادى» دەدى كەشەننىڭ اشىلۋ سالتاناتىندا سويلەگەن سوزىندە ايماق باسشىسى قۇمار اقساقالوۆ.
وبلىستا بيىل جاڭا قوندىرعىلاردى ساتىپ الۋعا بيۋدجەتتەن 4 ميلليارد تەڭگە ءبولىندى. وبلىستىق اۋرۋحاناعا 2 ماگنيتتى-رەزونانستى توموگراف پەن انگيوگراف ساتىپ الىنادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
