ەلباسىنىڭ تاپسىرماسىنا سايكەس, وبلىستاعى 48 نارىق سۋبەكتىلەرىنىڭ 58 قىزمەت ءتۇرى بويىنشا تاريفتەرى تومەندەتىلدى. تومەندەتىلگەن تاريفتەر 2019 جىلدىڭ 1 قاڭتارىنان باستاپ قولدانىسقا ەنگىزىلەدى. ناتيجەسىندە حالىقتىڭ كوممۋنالدىق قىزمەتكە تولەيتىن قاراجاتىن ۇنەمدەۋ شامامەن 1,15 ملرد. تەڭگەنى قۇرايدى. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق مونوپولياعا قارسى دەپارتامەنت باسشىسى ەربولات ىبىرايحانوۆ مالىمدەدى.
ونىڭ ايتۋىنشا, وبلىستا ەلەكتر ەنەرگياسىن تاسىمالداۋ ءتاريفى 2019 جىلدىڭ 1 قاڭتارىنان باستاپ 10,2 پايىزعا, ياعني 1 كيلوۆات ساعاتقا 7,38 تەڭگەدەن 6,64 تەڭگە دەيىن تۇسەتىن بولىپ وتىر.
«تاسىمالداۋ جانە ءوندىرۋشى ستانتسيالاردىڭ ءتاريفىنىڭ تومەندەۋى ەسەبىنەن تۇپكىلىكتى ءتاريفتىڭ تومەندەۋى 6,8 پايىزدى كۇرايدى, ياعني حالىققا 14,48 تەڭگەدەن 13,49 تەڭگەگە دەيىن تومەندەيدى. سونىمەن قاتار, 2019 جىلدىڭ 1 قاڭتارىنان باستاپ تۇتىنۋشىلاردىڭ قوردالانعان قارىزى ءۇشىن ەلەكتر ەنەرگياسىنان قايتا قوسۋ تولەمى 40 پايىزعا تومەندەتىلەدى», دەدى ەربولات ماقسۇتحان ۇلى.
تابيعي گازبەن قامتاماسىز ەتۋ سالاسى بويىنشا 2019 جىلدىڭ 1 قاڭتارىنان باستاپ تاسىمالداۋ جانە كوتەرمە باعا ءتۇسۋ ەسەبىنەن حالىق ءۇشىن گاز ءتاريفى 5,8 پايىز تومەندەتىلىپ, 1 تەكشە مەترگە جەكە تۇلعالارعا – 32,47 تەڭگە, ال حالىقتى جىلۋمەن قامتاماسىز ەتەتىن زاڭدى تۇلعالارعا – 28,27 تەڭگەنى قۇرايتىن بولادى.
سونداي-اق, جىلۋمەن جابدىقتاۋ قىزمەتى بويىنشا وبلىستا ورتالىقتاندىرىلعان جىلۋمەن قامتاماسىز ەتەتىن 6 مەملەكەتتىك كوممۋنالدىق كاسىپورىن بار. كومىر وتىنىن قولدانا وتىرىپ جىلۋ ەنەرگياسىن شىعاراتىن مەكەمەلەر ءتاريفىن 7-24 پايىز ارالىعىندا ءتۇسىرىپ وتىر. قالعان 2 مەكەمە تابيعي گازدى قولدانا وتىرىپ جىلۋ ەنەرگياسىن وندىرەدى. بۇل سارىاعاش جانە تولەبي اۋداندارىنداگى مەكەمەلەر. گاز وتىنىن قولدانا وتىرىپ جىلۋ ەنەرگياسىن شىعاراتىن مەكەمەلەر ءتاريفىن 11-15 پايىز ارالىعىندا تۇسىرمەك.
بۇدان وزگە, اۋىز سۋ, اعىن سۋ جانە سۋ بۇرۋ قىزمەتىمەن اينالىساتىن سۋبەكتىلدىڭ ىشىنەن 2019 جىلدىڭ 1 قاڭتارىنان باستاپ 39 سۋبەكتىنىڭ تاريفتەرى 5–13 پايىز ارالىعىندا تومەندەتىلەتىن بولادى.
