ءىس-شارانىڭ اشىلۋىندا ءسوز العان قوعامدىق كەلىسىم كوميتەتىنىڭ جەتەكشىسى قايسار جاناحانوۆ قوعامدىق پىكىر جانە دەسترۋكتيۆتى ءدىني يدەولوگياعا قارسى يممۋنيتەت قالىپتاستىرۋدا باق وكىلدەرىنىڭ ءرولى ەرەكشە ەكەندىگىن اتاپ ءوتتى. سونىمەن قاتار, ول قازاقستاننىڭ كونفەسسياارالىق كەلىسىمدى ساقتاۋ جانە نىعايتۋ ساياساتىن قولداۋعا, سونداي-اق راديكالدى ءدىني اعىمداردىڭ يدەيالارىنا قارسى تۇرۋعا جانە حالىق ءۇشىن قاجەتتى يممۋنيتەت قالىپتاستىرۋعا, ءداستۇرلى رۋحاني قۇندىلىقتاردى جانە زايىرلىلىق قاعيدالارىن ىلگەرىلەتۋگە باق بەلسەنە قاتىسۋعا شاقىردى.
ترەنينگتە ءدىني ەكستريميزم مەن تەرروريزمگە قارسى اقپاراتتىق ءىس-قيمىلداعى باق-تىڭ ءرولى مەن مىندەتتەرى تۋرالى قر ۇقك اكادەمياسى تەرروريزمگە قارسى دايىندىق ورتالىعىنىڭ قىزمەتكەرى, ساراپشى-ساياساتكەر رۋسلان يرجانوۆ جانە باق-داعى الەمدىك جانە ءداستۇرلى دىندەر جايلى بۇقارالىق جانە كورپوراتيۆتى كوممۋنيكاتسيالار مامانى رۇستەم راحيموۆ بايانداپ بەردى.
جيىن بارىسىندا جۋرناليستەر پىكىر الماسىپ, ۇسىنىستارىن ورتاعا سالدى, ءدىن سالاسىنداعى قازىرگى ماسەلەلەردى جانە بۇقارالىق اقپارات قۇرالدارىندا جاريالاۋ ادىستەرىن تالقىلادى.
