1 جەلتوقساندا كورپوراتسيانىڭ باس ديرەكتورى ورىنباسارى جانە قارجى ديرەكتورى مەن ۆانچجوۋدى اقش بيلىگىنىڭ سۇراۋى بويىنشا ۆانكۋۆەردە تۇتقىندادى. قاماۋعا الىنۋىنىڭ سەبەپتەرى ناقتى بەلگىسىز. دەگەنمەن امەريكانىڭ يران ەلىنە سالعان ساۋدا سانكتسياسىن ورىنداماعانى سەبەپ بولۋى مۇمكىن.
كاناداداعى قىتاي ەلشىلىگى تۇتقىنداۋعا نارازىلىق ءبىلدىرىپ, مەن ۆانچجوۋدى قاماۋدان بوساتۋدى تالاپ ەتتى. بۇل تۋرالى قىتايدىڭ سىرتقى ىستەر مينيسترلىگى مالىمدەمە جاسادى. Huawei كورپوراتسياسى قارجى ديرەكتورىنىڭ قانداي زاڭسىز ارەكەتكە بارعانىنان حابارسىز ەكەنىن جانە ايىپتاۋعا نەگىز بولاتىنداي اقپاراتتاردىڭ جوق ەكەنىن حابارلاعان.
سونداي-اق, قاماۋعا الۋ باتىس ەلدەرىندە Huawei تەحنيكاسىن پايدالانۋدى شەكتەيتىن ارەكەتتەرمەن سايكەس كەلدى. اقش, اۆستراليا جانە جاڭا جاڭا زەلانديا 5G فورماتىنداعى جىلدام ءموبيلدى جەلىلەرگە ءوتۋ ءۇشىن وسى ماركاعا قاتىستى تەحنيكانى پايدالانباۋعا ۋاعدالاستى.
New York Times جۋرناليستەرىنىڭ اقپاراتى بويىنشا, Huawei كورپوراتسياسى يرانعا قاتىستى اقش سانكتسيالارىن بۇزعان. ال امەريكالىق زاڭ شىعارۋشى ورگانداردىڭ ايتۋىنشا, كومپانيانىڭ تەحنولوگيالىق ونىمدەرى اقش-تىڭ ۇلتتىق قاۋىپسىزدىگىنە قاۋىپ ءتوندىرىپ, قىتاي بيلىگىنىڭ اقش-تاعى تىڭشىسىنا اينالىپ ۇلگەرگەن.
Huawei كومپانياسىنىڭ مالىمدەمەسىندە كومپانيا بۇۇ, ەۋرووداق جانە اقش-قا مۇشە ەلدەردە ارەكەت ەتەتىن ەكسپورتتى باقىلاۋ مەن سانكتسيالار تۋرالى زاڭدار مەن ەرەجەلەرگە سايكەس جۇمىس ىستەيدى دەپ ايتىلعان.
قىتاي ءسىم ادام قۇقىقتارىنىڭ بۇزىلۋى تۋرالى مالىمدەي وتىرىپ, مەن ۆانچجوۋدى دەرەۋ بوساتۋدى تالاپ ەتەدى.
اتالعان كومپانيا الەمدە تەلەكوممۋنيكاتسيا جابدىقتارى مەن تەحنيكانى شىعارۋدان Apple-ءدى باسىپ وزىپ, Samsung-تان كەيىنگى ەكىنشى ورىنعا جايعاسقان.باتىس ەلدەرى قىتاي بەسىنشى بۋىنعا 5G ارقىلى جول تاۋىپ, باسقا دا تەحنولوگيالار ارقىلى تىڭشىلىق ارەكەتىن كۇشەيتەدى دەپ قاۋىپتەنىپ وتىر. بريتانيانىڭ ەڭ ءىرى British Telecom كومپانياسى ەلدەگى 5G جەلىسىنىڭ ءورىسىن كەڭەيتۋ ماقساتىندا قولدانعان Huawei تەحنيكاسىن تاركىلەدى. وسىعان ۇقساس شەكتەۋلەر جاڭا زەلانديا, اۆستراليا جانە اقش-تا ەنگىزىلدى.
مەن ۆانچجوۋ ۇستالعاننان كەيىن قىتاي بيرجالارىندا نەگىزگى يندەكستەر قۇلدىراعان. Shanghai Composite يندەكسى 1,28%-عا, Hong Kong ' s Hang Seng يندەكسى - 2,5%-عا, Nikkei 225 شامامەن 2%-عا تومەندەدى.
