كونفەرەنتسياعا ۋنيۆەرسيتەت پرورەكتورى, قر ۇعا اكادەميگى, فيلولوگيا عىلىمدارىنىڭ دوكتورى, پروفەسسور ديحان قامزابەك ۇلى, قازاق ادەبيەتى كافەدراسىنىڭ مەڭگەرۋشىسى, قر ۇعا اكادەميگى, فيلولوگيا عىلىمدارىنىڭ دوكتورى, پروفەسسور سەيىت قاسقاباسوۆ, فيلولوگيا فاكۋلتەتىنىڭ دەكانى, فيلولوگيا عىلىمدارىنىڭ دوكتورى, پروفەسسور شولپان جارقىنبەكوۆا, قازاق ءتىل ءبىلىمى كافەدراسىنىڭ مەڭگەرۋشىسى, فيلولوگيا عىلىمدارىنىڭ كانديداتى, دوتسەنت ارداق بەيسەنباي, №48 مەكتەپ-ليتسەيىنىڭ ديرەكتورى زاۋرە سادىقوۆا, سونداي-اق جانتاس جاقىپ, ورىناي جۇباەۆا, بەكجان ءابدۋالي ۇلى, ساعىمباي جۇماعۇلوۆ, قايىربەك كەمەڭگەر, تەڭگەش قالەنوۆا ت.ب. عالىمدار قاتىستى. بۇعان قوسا, تۇركيا مەن باشقۇرتستاننان شاقىرىلعان قوناقتار الاش قايراتكەرلەرى تۋرالى ءوز ويلارىن ورتاعا سالدى.
كونفەرەنتسيانىڭ ماقساتى قازاق حالقىنىڭ ءبىرتۋار پەرزەنتى اقىن, ادەبيەت زەرتتەۋشى عالىم, تۇركىتانۋشى, پۋبليتسيست, پەداگوگ, اۋدارماشى, قوعام قايراتكەرى احمەت بايتۇرسىن ۇلىنىڭ رۋحىنا تاعزىم ەتە وتىرىپ, الاش قايراتكەرلەرىنىڭ تاعىلىمىن عىلىمي تۇرعىدان زەردەلەۋ, ەلباسى ن.ءا.نازارباەۆتىڭ «رۋحاني جاڭعىرۋ» يدەياسىن جۇزەگە اسىرۋ.
جاس ۇرپاقتى كەشەگى بابالار ىزىمەن تاربيەلەۋ, ياعني ۇلتتىق تانىم تۇعىرلارىنىڭ ۇزدىك ۇلگىلەرىن نەگىزگە الا وتىرىپ, بولاشاققا جاڭاشا كوزبەن قاراۋ «رۋحاني جاڭعىرۋدىڭ» باستى قاعيدالارىنىڭ ءبىرى. كونفەرەنتسيادا تاريح, ءتىل, مادەنيەت, ۇلتتىق پەداگوگيكا ت.ب. سەكىلدى رۋحاني قۇندىلىقتار قامتىلدى. ءتۇرلى سالا ماماندارى ءوز پىكىرلەرىن ورتاعا سالىپ, عىلىمي ويلارىن ءبولىستى.
