پەتروپاۆل قالاسىندا بوكس مەكتەبى ىرگەتاسىنىڭ قالانۋىنا تىكەلەي ۇيىتقى بولىپ, بىرنەشە جىل باسشىلىق ەتتى.
پەتروپاۆلدىقتار داڭقتى جەرلەسىنە ايرىقشا قۇرمەت كورسەتىپ, بوكستان وبلىستىق وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر مەكتەبىنىڭ جانىنا ەسكەرتكىش ءمۇسىن ورناتىلدى. سالتاناتتى شارادا مادەنيەت جانە سپورت مينيسترلىگى دەنە شىنىقتىرۋ جانە سپورت كوميتەتىنىڭ جەتەكشىسى سەرىك جاراسباەۆ, ايماق باسشىسىنىڭ ورىنباسارى ماديار قوجاحمەت سويلەپ, سانالى عۇمىرىن سپورتقا ارناعان تۇلعا ەسىمى ۇمىتىلمايتىنىن, ونىڭ ءبىر ايعاعى رەتىندە ەسكە الۋ ءتۋرنيرى جىل سايىن ۇيىمداستىرىلاتىنىن, بوكس مەكتەبىنە ەسىمى بەرىلگەنىن جەتكىزدى. بوكستان ەۋروپا چەمپيونى, الەم كۋبوگى حالىقارالىق ءتۋرنيرىنىڭ كۇمىس جۇلدەگەرى, كاميلدىڭ دوسى سەرىك نۇرقازوۆ ءوز ەستەلىگىمەن ءبولىستى.
«اكەم سپورت دەسە, ىشكەن اسىن جەرگە قوياتىن. تالاپتى, تالانتتى بالالاردى كورسە, بوكس مەكتەبىنە قولىنان جەتەلەپ اكەلەتىن. رۋمىنيا, پولشا, ۆەنگريا, اقش, تاعى باسقا ەلدەردە وتكەن دودالى باسەكەلەردە ۇنەمى توپ جارىپ, ەل نامىسىن جوعارى ۇستادى», دەگەن ۇلى دامير شارانى ۇيىمداستىرۋشىلارعا جۇرەكجاردى العىسىن ءبىلدىردى.
ءمۇسىننىڭ اۆتورى سۆەتلانا بريۋتوۆانىڭ كاميل سافين جايلى ماعلۇماتتاردى مولىنان جيناستىرىپ, ءمۇسىندى كەلىستىرىپ جاساعانى بىردەن بايقالادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
