– ءوزىڭىز دە وسىنداي ميسسيامەن عارىشتا ەكى رەت بولعاندىقتان, ءسىز ءۇشىن مۇنىڭ ماڭىزى زور, – دەدى مەملەكەت باسشىسى.
قازاقستان پرەزيدەنتى بيىل ەكى ەل اراسىنداعى ديپلوماتيالىق قارىم-قاتىناستاردىڭ ورناعانىنا 26 جىل تولعانىن ايتىپ, ساۋدا جانە ءوزارا ينۆەستيتسيا سالالارىندا وڭ ءۇردىس بار ەكەنىنە توقتالدى.
كانادانىڭ گەنەرال-گۋبەرناتورى ج.پايەتت قازاقستانعا رەسمي ساپارمەن كەلۋگە مۇمكىندىك بەرىلگەنى ءۇشىن ريزاشىلىق ءبىلدىرىپ, بۇعان دەيىن ءتۇرلى عارىش باعدارلامالارىنىڭ قاتىسۋشىسى رەتىندە بايقوڭىر عارىش ايلاعىندا بولعانىن ايتتى.
– مەن قازاقستانعا پرەمەر-ءمينيسترىمىزدىڭ سالەمىن الا كەلدىم. ءبىز جەردەن ءساتتى ۇشىپ شىققان عارىش ەكيپاجىنىڭ قازىر وربيتاعا جەتكەنىنە قۋانىشتىمىز. ەرتەڭ ۇلتتىق عارىش ورتالىعىنا بارامىز. قازاقستاننىڭ ۇلتتىق عارىش ورتالىعى مەن كانادانىڭ عارىش اگەنتتىگى اراسىنداعى ءوزارا تۇسىنىستىك تۋرالى مەموراندۋم جەمىستى بولادى دەپ ۇمىتتەنەمىن, – دەدى جۋلي پايەتت.
سونىمەن قاتار, گەنەرال-گۋبەرناتور قازاقستان پرەزيدەنتىنىڭ انتيادرولىق باستامالارىن كانادا تولىق قولدايتىنىن ايتتى.
سوڭىندا تاراپتار ءبىلىم جانە عىلىم, اۋىل شارۋاشىلىعى سالالارىنداعى جانە اگروونەركاسىپ سەكتورىنداعى ءوزارا ىقپالداستىق ماسەلەلەرىن تالقىلاپ, بۇگىنگى ساپار قازاقستان مەن كانادا اراسىنداعى ءوزارا ءتيىمدى ىنتىماقتاستىقتى ودان ءارى نىعايتۋعا سەپتىگىن تيگىزەتىنىنە سەنىم ءبىلدىردى.
