بەردىبەك ساپارباەۆ جاڭا ورىنباسارىنا الداعى بىرقاتار نەگىزگى مىندەتتەردى قويدى. ولاردىڭ قاتارىندا مەملەكەتتىك الەۋمەتتىك باعدارلامالاردى ءتيىمدى جۇزەگە اسىرۋ, ءبىلىم بەرۋ جانە مەديتسينالىق قىزمەت كورسەتۋ ساپاسىن جاقسارتۋ, الەۋمەتتىك سالاداعى مەملەكەتتىك-جەكە سەرىكتەستىكتى دامىتۋ, مادەني-دەمالىس قىزمەتىن جانداندىرۋ, دەنە شىنىقتىرۋ مەن سپورتتى دارىپتەۋ, ارداگەرلەرگە, زەينەتكەرلەرگە, مۇگەدەكتەر مەن از قامتىلعان ازاماتتارعا كورسەتىلەتىن الەۋەمتتىك كومەكتى كۇشەيتۋ, قوعامدىق ۇيىمداردى دامىتۋ جانە ت.ب. سۇراقتارى بار.
«بۇلار ءبىزدىڭ بۇگىنگى باسىمدىقتارىمىز. ءسىزدىڭ الەۋمەتتىك سالاداعى ۇلكەن تاجىريبەڭىز قويىلعان مىندەتتەردى ساپالى شەشۋگە مۇمكىندىك بەرەتىنىنە سەنەمىن. وسىنىڭ ءبارى اقتوبەلىكتەردىڭ الەۋمەتتىك ءال-اۋقاتىن دامىتۋ ءۇشىن ماڭىزدى », - دەپ اتاپ كورسەتتى وبلىس باسشىسى.
مارات توقجانوۆ 1965 جىلى باتىس قازاقستان وبلىسىندا تۋعان. ءبىلىمى جوعارى, قاراعاندى مەملەكەتتىك ۋنيۆەرسيتەتىن, قازاق مەملەكەتتىك زاڭ اكادەمياسى مەن باتىس قازاقستان ينجەنەرلىك-گۋمانيتارلىق ۋنيۆەرسيتەتىن تاريح جانە قوعامتانۋ ءپانىنىڭ مۇعالىمى, زاڭگەر ماماندىقتارى بويىنشا بىتىرگەن. ەكونوميكا عىلىمدارىنىڭ ماگيسترى.
ەڭبەك جولىن 1990 جىلى جەزقازعان وبلىسىنىڭ ساتباەۆ قالاسىنداعى مەكتەپ-ينتەرناتىنىڭ مۇعالىمى بولىپ باستاعان.
1990 – 1999 جىلدارى باتىس قازاقستان اۋىل شارۋاشىلىعى ينستيتۋتىنىڭ ساياسي تاريح كافەدراسىنىڭ اسسيستەنتى, «اقجايىق لتد» جشس ديرەكتورى, قازاقستان رەسپۋبليكاسى ءبىلىم جانە عىلىم مينيسترلىگىنىڭ ارحەولوگيا ينستيتۋتىنىڭ عىلىمي قىزمەتكەرى بولدى.
ءار ءتۇرلى جىلدارى الماتى قالالىق اقپارات جانە قوعامدىق كەلىسىم باسقارماسىندا, قازاقستان رەسپۋبليكاسى ەنەرگەتيكا, يندۋستريا جانە ساۋدا مينيسترلىگىنىڭ مەملەكەتتىك ماتەريالدىق قور بويىنشا كوميتەتىنىڭ بولىمىندە, قر ادىلەت مينيسترلىگىنىڭ ىشكى اكىمشىلەندىرۋ دەپارتامەنتىنىڭ باقىلاۋ بولىمىندە باسشىلىق قىزمەتتەردى اتقاردى.
2004 جىلى تەمىرتاۋ قالاسىنداعى ادىلەت باسقارماسىنا باسشىلىق قىزمەتكە تاعايىندالادى.
2007-2017 جىلدار ارالىعىندا ورال قالاسى اكىمىنىڭ ورىنباسارى, بقو شىڭعىرلاۋ اۋدانىنىڭ اكىمى, بقو ءبىلىم باسقارماسىنىڭ باسشىسى, بقو ىشكى ساياسات باسقارماسىنىڭ باسشىسى, بقو اكىمى اپپاراتىنىڭ باسشىسى جانە بقو اكىمىنىڭ ورىنباسارى بولعان.
2018 جىلدىڭ قاڭتار ايىنان باستاپ سوڭعى تاعايىنداۋىنا دەيىن قر كاسىپوداق ۇيىمدارى فەدەراتسياسىنىڭ باسشىسى بولدى.
