جارىس قورىتىندىسى بويىنشا 27 جاستاعى ماگنۋس كارلسەن تاي-برەيكتە امەريكالىق قارسىلاسىن 3:0 ەسەبىمەن جەڭىپ, 2013 جىلدان بەرى يەلەنىپ كەلە جاتقان شاحمات ءتاجىن جانە الەم چەمپيونى اتاعىن ساقتاپ قالدى.
ايتا كەتۋ كەرەك, ەكى شاحماتشى اراسىنداعى 12 پارتيادان تۇراتىن نەگىزگى ويىننىڭ بارلىعى تەڭ ناتيجەمەن اياقتالىپ, سپورتشىلار 25 مينۋت +10 سەكۋند ۋاقىتقا بەلگىلەنگەن قوسىمشا 4 تاي-برەيك وتكىزدى. قوسىمشا پارتيانىڭ العاشقى ءۇش ويىنىندا كارلسەن جەڭىسكە جەتكەن سوڭ, 4 پارتيانى ويناۋ قاجەت بولماي قالدى. وسىلايشا نورۆەگيالىق شاحماتشى فابيانو كارۋانانى جالپى ەسەپتە 9:6 ناتيجەسىمەن جەڭىپ, الەم چەمپيونى اتاندى.
ءالي بيتورە,
«ەگەمەن قازاقستان»
