سوندىقتان بۇل قۇندىلىقتار ءوز دەڭگەيىندە جالپىحالىقتىق قازىناعا اينالا الماي وتىر. وسى ولقىلىقتىڭ ورنىن تولتىرۋ ماقساتىندا قازاقستان پرەزيدەنتى نۇرسۇلتان نازارباەۆ ءوزىنىڭ « ۇلى دالانىڭ جەتى قىرى» اتتى جاڭا ماقالاسىندا قازىرگى زامانعى مەديا سالاسىنىڭ مۇمكىندىكتەرى ارقىلى ەل تاريحىن, حالىقتىڭ وتكەن جولىنداعى ءىرى تاريحي وقيعالاردى, قول جەتكىزىلگەن جەتىستىكتەردى ەل جادىندا جاڭعىرتۋعا شاقىردى.
نۇرسۇلتان نازارباەۆ – ءوز ۇلتىنىڭ ناعىز كوشباسشىسى. ن.نازارباەۆ ءوزىنىڭ ولشەۋسىز ەڭبەگىنىڭ ارقاسىندا قازاقستان حالقىنىڭ تاريحي ۇلى تۇلعاسىنا اينالدى. سونداي-اق ەل پرەزيدەنتى قازاقتاردىڭ تاريحي مۇراسىن جاڭعىرتۋ, قوعامدىق سانانى كوتەرۋ باعىتىنداعى «رۋحاني جاڭعىرۋ» جانە « ۇلى دالانىڭ جەتى قىرى» اتتى ماقالاسىندا قامتىلعان «ارحيۆ-2025» سياقتى باستامالارى ارقىلى دا ءوزىن بۇگىنگى قازاق قوعامىن ىلگەرىلەتۋشى تاريحي تۇلعا رەتىندە كورسەتە ءبىلدى.
قازاقستان وزىندىك تاريحي جولىن جانە ۇلتتىق مەملەكەت قۇرۋدىڭ وزىندىك ۇلگىسىن ۇستانۋ ناتيجەسىندە كۇشتى جانە بەدەلدى مەملەكەت رەتىندە قالىپتاستى. قازاقستان بۇگىنگى جەتكەن جەتىستىكتەرىن ءارى قاراي جالعاستىرا ءتۇسۋدى كوزدەيدى. سوندىقتان بۇل ورايدا قازاقستانعا ءوزىنىڭ تاريحىن تەرەڭ زەرتتەپ, زەردەلەۋ, وتكەن شاقتىڭ ەلەۋسىز قالعان تۇستارىن, سونداي-اق ءىرى تۇلعالاردىڭ ەسىمدەرىن جاڭعىرتۋ اسا ماڭىزدى. بۇل ماسەلەدە مۇراعاتتىق ماتەريالداردى مۇقيات زەردەلەۋ تاريحتىڭ كومەسكى تارتقان, تاسادا قالعان, دانالىق پەن باتىرلىقتى پاش ەتەر بەتتەرىن شىنايى تۇردە جارىققا شىعارۋعا, بۇرمالانعان دەرەكتەردى قالپىنا كەلتىرۋگە مۇمكىندىك بەرەدى.
تاعى ءبىر ايتا كەتەر جايت, ن.نازارباەۆتىڭ « ۇلى دالانىڭ جەتى قىرى» اتتى ماقالاسىندا ەلدى دامىتۋدىڭ پەرسپەكتيۆاسى كورسەتىلگەن. قازاقستاندا تەك ۇلى وتكەن شاق ەمەس, ۇلى دا جارقىن بولاشاق بار. قازاقستان جاڭعىرتىلعان ۇلى جىبەك جولىنىڭ كولىك-لوگيستيكالىق بولىگى عانا بولىپ قالا المايدى. ول تۇركى الەمىنىڭ ليدەرى, كەڭ اۋقىمدا ايتقاندا ۇلى دالانىڭ كوشباسشىسى بولۋى ءتيىس.
بۇگىندە قازاقستاندى الەم تانيدى. ونىڭ بەدەلىن بۇكىل الەم مويىندايدى. نۇرسۇلتان نازارباەۆ قازاقستاننىڭ الەمدەگى ابىرويىن كوتەرۋ ماقساتىندا كوپتەگەن جۇمىس اتقاردى. ەندى الداعى ۋاقىتتا قازاقستاندى جاھانعا تانىتا ءتۇسۋ ىسىنە بارشا قازاقستاندىقتار جۇمىلا اتسالىسۋى ءتيىس. بۇل ءوزىنىڭ جوعارى دەڭگەيدەگى ناتيجەسىن كورسەتپەي قويمايدى.
احماد ۆاحشيتەح,
رەسەي حالىقتار دوستىعى ۋنيۆەرسيتەتىنىڭ اسپيرانتى,
«Russia Viewer» گازەتىنىڭ باس رەداكتورى (يران)
