بۇگىن جاڭاقورعان اۋدانىندا 150 ورىندىق سپورتتىق-ساۋىقتىرۋ كەشەنىنىڭ اشىلۋ ءراسىمى ءوتتى.
جاڭا سپورت كەشەنىندە 13 ادام جۇمىسپەن قامتاماسىز ەتىلدى. مۇندا ەركىن كۇرەس پەن ايەلدەر كۇرەسى, توعىزقۇمالاق, بوكس, گاندبولدان جاتتىعۋلار وتكىزىلەدى.
وسى كۇنى شيەلى اۋدانى گيگانت اۋىلدىق وكرۋگىندە "باستاۋ" جاستار ساۋىقتىرۋ كەشەنى پايدالانۋعا بەرىلدى.
"دەنi ساۋ ۇرپاق - ەل بولاشاعىنىڭ كەپiلi. ەلباسىمىزدىڭ ءداستۇرلi جولداۋلارىندا بۇقارالىق سپورتقا, سالاۋاتتى ءومiر سالتىن قالىپتاستىرۋعا باسىمدىق بەرiلiپ كەلەدi. بۇل كۇن بارشا سپورت سۇيەر قاۋىم ءۇشىن, ونىڭ ىشىندە جاستار ءۇشىن ەڭ قۋانىشتى كۇننىڭ ءبىرى دەپ ەسەپتەيمىن. ويتكەنى, اۋداندا العاش رەت جابىق ءجۇزۋ باسسەينى اشىلۋدا», - دەدى ايماق باسشىسى.
ايتا كەتەيىك, ەكى جىل ىشىندە ايماقتا 16 سپورت عيماراتى ىسكە قوسىلدى, ونىڭ 9-ى ءمجا بويىنشا جانە 7-ءى وبلىستىق بيۋدجەت ەسەبىنەن سالىندى.
بۇگىندە قىزىلوردا وبلىسىندا مەملەكەتتىك-جەكەمەنشىك ارىپتەستىك اياسىندا قۇنى 34 ملرد. تەڭگە بولاتىن 75 جوبا جۇزەگە اسىرىلۋدا, ولار - دەنساۋلىق ساقتاۋ, سپورت, ءبىلىم بەرۋ, تسيفرلاندىرۋ جانە تۇرعىنۇي كوممۋنالدىق كەشەنىن جاڭعىرتۋ سالاسىنداعى جوبالار بولىپ تابىلادى.
