جيىنعا وڭىردەگى جۇك تاسىمالداۋشىلار, جەر قويناۋىن پايدالانۋشىلار, ءىرى كەنىشتەردىڭ باسشىلارى قاتىستى.
وڭىردە اۋىر جۇك تاسۋدىڭ تاسىمال سالماق پارامەترلەرىن ساقتاماعان, شامادان ارتىق جۇك تاسىعان 370 كولىك انىقتالىپ, 90 شاقتى جۇك جىبەرۋشى اكىمشىلىك جاۋاپكەرشىلىككە تارتىلعان.
وڭىردە بىرنەشە مونيتورينگ جۇرگىزۋ بارىسىندا جۇك تاسىمالى بويىنشا زاڭ بۇزۋشىلىقتار انىقتالعان. زاڭ بۇزۋشىلىقتار جۇك تاسىمالداۋشىلاردىڭ اراسىندا جىلدامدىقتى اسىرۋ, كولىك قۇجاتتارىنىڭ دۇرىس راسىمدەلمەۋى, نەمەسە قۇجاتتاردىڭ مۇلدەم جوقتىعى, جۇك سالماعىنىڭ ارتۋى سياقتى قاتەلىكتەر ءجيى قايتالاندى, -دەيدى ەلىمىزدەگى كولىك كوميتەتى توراعاسىنىڭ ورىنباسارى سامات عىلىموۆ.
كولىك پروكۋرورى رۇستەم توقبەرگەنوۆتىڭ ايتۋىنشا, وڭىردە كوپتەگەن تاۋ-كەن وندىرۋشىلەرى مەن جەر قويناۋىن پايدالانۋشى كاسىپورىندارى جۇمىس جاسايدى. كومىر, قيىرشىق تاس, قۇرىلىس زاتتارى سياقتى اۋىر جۇك تاسىمالى جولداردىڭ بۇزىلۋىنا اسەر ەتەدى. جىل سايىن جولدار جوندەلەدى. قىرۋار قارجى كولەمى ارتۋدا.
بىراق, جۇك تاسىمالىن باقىلاۋسىز قالىپ كەلەدى. بيىل وبلىستىق اكىمدىكتىڭ باستاماسىمەن, تىكەلەي وبلىس اكىمى بولات باقاۋوۆتىڭ تاپسىرماسىمەن, جەرگىلىكتى پوليتسيا قىزمەتى, كولىك باسقارماسى, كولىك باقىلاۋ ينسپەكتسياسىمەن بىرلەسىپ جۇمىس اتقاردى. بىرلەسكەن ءىس-ارەكەتتەر كەلىسىمدەرىنە قول قويىلدى.
ال, جيىنعا قاتىسقان ء«بىرىنشى جەمقورلىققا قارسى مەديا-ورتالىق» رەسپۋبليكالىق قوعامدىق بىرلەستىگى توراعاسىنىڭ ورىنباسارى رۋسلان اسىلبەكوۆتىڭ ايۋتىنشا, بىرىنشىدەن-جولدارداعى قاۋىپسىزدىكتى ساقتاۋ. ەكىنشىدەن, وڭىردە جىل سايىن جولدار جوندەلۋدە. ءتىپتى, جولداردى كۇتىپ ۇستاۋعا دا قارجى بولىنەدى. باستى ماسەلە-قىرۋار قارجى ءبولىنىپ جوندەلگەن جولداردى سول كۇيىندە ساقتاپ قالۋدا.
كولىك كوميتەتى مەن كولىك يسنپەكتسياسى ەلىمىزدەگى اۆتوموبيل جولدارىن كۇتىپ ۇستاۋ,اۋىر جۇكتەردىڭ مولشەردەن تىس ارتپاۋىن باقىلايدى. اۋىر جۇك تاسيتىن تاسىمالداۋشىلارمەن جۇمىس جاساپ, جولداعى جەمقورلىقتىڭ الدىن الۋ. وسى ماقسات جۇزەگە اسۋ ءۇشىن-ء«بىرىنشى جەمقورلىققا قارسى كەڭەستىڭ» وكىلدەرى كولىك كوميتەتىمەن بىرگە قوعامدىق بىرلەستىك رەتىندە مەموراندۋمعا قول قويعان.
فاريدا بىقاي
«ەگەمەن قازاقستان»
پاۆلودار
