دوپتى حوككەي دوداسى
ەرتەڭ الماتىدا دوپتى حوككەيدەن الەم چەمپيوناتى باستالادى
سوڭعى كەزدەرى الماتى دا باسقا ەلدەردىڭ ايگىلى قالالارى سياقتى ۇلكەن حالىقارالىق جارىستاردىڭ ورتالىعىنا اينالىپ وتىرعانداي. بىلتىر قىسقى ازيا ويىندارىنىڭ باسىم ءبولىگى وتكەن ارۋ الماتىدا تاعى بىرنەشە بايراقتى دودالار ۇيىمداستىرىلعانىن بىلەمىز. سولاردىڭ ءبىرى – جاقىندا عانا بالۋان شولاق اتىنداعى سپورت جانە ءمادەنيەت سارايىندا دزيۋدو كۇرەسىنەن وتكەن «الەم شەبەرلەرى» اتتى عالامات بەلدەسۋلەر.
سوڭعى كەزدەرى الماتى دا باسقا ەلدەردىڭ ايگىلى قالالارى سياقتى ۇلكەن حالىقارالىق جارىستاردىڭ ورتالى
عىنا اينالىپ وتىرعانداي. بىلتىر قىسقى ازيا ويىندارىنىڭ باسىم ءبولىگى وتكەن ارۋ الماتىدا تاعى بىرنەشە بايراقتى دودالار ۇيىمداستىرىلعانىن بىلەمىز. سولاردىڭ ءبىرى – جاقىندا عانا بالۋان شولاق اتىنداعى سپورت جانە ءمادەنيەت سارايىندا دزيۋدو كۇرەسىنەن وتكەن «الەم شەبەرلەرى» اتتى عالامات بەلدەسۋلەر. الماتىعا ءبىر مەزگىلدە 9 وليمپيادا, 19 الەم چەمپيونى, تاعى بىرنەشە وليمپيادا جانە الەم چەمپيوناتتارىنىڭ ءجۇلدەگەرلەرى قاتىسقان بەلدەسۋلەردە ءبىزدىڭ قىز-ءجىگىتتەرىمىزدەن ماكسيم راكوۆ التىن, ال گۇلجان يسانوۆا قولا جۇلدەنى جەڭىپ العان بولاتىن.
ەندى, مىنە, الماتىدا تاعى ءبىر ۇلكەن دودانىڭ جالاۋى جەلبىرەگەلى تۇر. بۇل – رەكوردتار ۇستاحاناسى اتانعان, ىلە الاتاۋىنىڭ قويناۋىندا ورىن تەپكەن بۇكىل قازاقستاندىقتاردىڭ ماقتانىشى, اتاقتى «مەدەۋ» مۇز ايدىنىندا وتەتىن دوپتى حوككەيدەن الەم چەمپيوناتى. قازاق توپىراعىندا العاش رەت وتكىزىلگەلى وتىرعان چەمپيوناتتىڭ اشىلۋ سالتاناتى 29 قاڭتاردا ءوتىپ, ويىندار 5 اقپانعا دەيىن جالعاساتىن بولادى.
وسى بايراقتى باسەكەلەرگە الەمنىڭ 14 ەلىنىڭ ۇلتتىق قۇرامالارى قاتىساتىنى ناقتىلانعان. ولاردىڭ اراسىندا قازاقستان, فينليانديا, شۆەتسيا, نورۆەگيا, اقش, رەسەي سيياقتى ەلدەردىڭ كوماندالارى بار. بۇل ەلدەردىڭ ءبارى جوعارى ديۆيزيوندا الەم چەمپيونى اتاعىن ساراپقا سالسا, «ۆ» توبىنداعى بەلارۋس, كانادا, گوللانديا, ۆەنگريا, لاتۆيا كوماندالارى جوعارى ديۆيزيونعا جولداما الۋ ءۇشىن كۇش سىناسادى. ال «س» توبىنداعى ەستونيا, ۋكراينا, جاپونيا مەن ليتۆا ءوزارا ۇزدىكتەردى انىقتايدى.
وسى ءۇش توپقا بولىنگەن ەلدەردىڭ ويىندارى مىنا جەرلەردە ءوتكىزىلەدى. ياعني, «ا» توبىنداعى قۇرامالار «مەدەۋ» مۇز ايدىنىندا باق سىناسسا, قالعان ەكى توپتىڭ كوماندالارى ويىندارىن ورتالىق ستاديوننىڭ جانىنداعى قوسالقى الاڭدا وتكىزەدى.
جالپى, الماتىدا دوپتى حوككەيدەن الەم چەمپيوناتىن وتكىزۋ تۋرالى شەشىم بىلتىرعى قىسقى ازيا ويىندارى كەزىندە قابىلدانعان بولاتىن. جاقىندا حالىقارالىق دوپتى حوككەي قاۋىمداستىعىنىڭ پرەزيدەنتى بوريس سكرىننيك الماتىعا كەلىپ, «مەدەۋدىڭ» الەم چەمپيوناتىن ەش قيىندىقسىز, جوعارى دەڭگەيدە وتكىزەتىنىنە تاعى ءبىر كوز جەتكىزىپ كەتتى. سول كەزدە الماتىعا دوپتى حوككەيدىڭ مىقتىلارى سانالاتىن رەسەي مەن شۆەتسيا قۇرامالارى دا كەلىپ, مۇز ايدىنىنىڭ ساپاسىن بايقاپ كوردى. ءسويتىپ, حالىقارالىق قاۋىمداستىقتىڭ جاۋاپتى لاۋازىم يەلەرى «مەدەۋدە» الەم چەمپيوناتىن وتكىزۋگە رۇقساتىن بەردى.
الداعى جەكسەنبىدە الماتىدا باستالاتىن چەمپيوناتتىڭ وزىنە توقتالساق, بۇل سانى جاعىنان ەڭ كوپ ەلدەر قاتىساتىن الەم چەمپيوناتى بولعالى وتىر. مۇنىڭ الدىندا, 2009 جىلى شۆەتسيادا وتكەن دوداعا 13 ەلدىڭ وكىلدەرى قاتىسقان بولاتىن. ال قازاقستاندا وتەتىن چەمپيوناتقا 14 ەلدىڭ قۇراماسى قاتىسپاق.
الەم چەمپيوناتى جارىس ەرەجەسىنە ءسايكەس 3 توپقا بولىنگەن كوماندالاردىڭ اراسىندا ولاردىڭ شەبەرلىك دەڭگەيىنە قاراي وتكىزىلەدى. ياعني, «ا» توبىندا ەڭ مىقتىلار, «ۆ» توبىندا ورتاڭقول كوماندالار, ال «س» توبىندا دوپتى حوككەيدى دامىتۋدى ەندى عانا قولعا العان ەلدەردىڭ قۇرامالارى كۇش سىناسادى. مۇندا بىردەن ايتۋ كەرەك, تەلەديداردان تەك «ا» توبىنداعى كوماندالاردىڭ ويىندارىنان عانا رەپورتاجدار بەرىلىپ تۇرادى. ءبىزدىڭ جانكۇيەرلەر جارىس باستالعان كۇننەن سوڭىنا دەيىن ۇلتتىق قۇرامامىزدىڭ ويىندارىن «ەلارنا» تەلەارناسى ارقىلى تاماشالاي الادى. قازاقستان قۇراماسىنىڭ نورۆەگيا قۇراماسىمەن بولاتىن العاشقى ويىنى 29 قاڭتار كۇنى ساعات كەشكى 22:00-دە كورسەتىلەدى.
الەم چەمپيونى اتاعىنان ۇمىتكەرلەردىڭ قاتارىنا رەسەي, شۆەتسيا جانە فينليانديانى جاتقىزۋعا بولادى. دەگەنمەن, رەسەي قۇراماسىنىڭ باپكەرلەرى كوماندالاردىڭ دەڭگەيىن ءسوز جۇزىندە ايتۋ ءبىر بولەك, مۇز ايدىنىندا ولارمەن ايقاسۋ ءبىر بولەك دەپ سانايدى. ال نورۆەگيا, شۆەتسيا تاراپى قازاقستان مەن رەسەي جانە فينليانديادان سەسكەنەتىندەرىن ايتۋدا.
قازاقستان قۇراماسى نەگىزىنەن ورالدىڭ «اقجايىق» كومانداسىنان جاساقتالعان. راس, ۇلتتىق قۇرامادا رەسەيدەن كەلگەن ويىنشىلار دا جوق ەمەس. بىراق ولاردىڭ ءبارى كورشى ەلدىڭ ءبىرىنشىلىگىندە ويناپ جۇرسە دە, قازاقستاننىڭ ازاماتتىعىن العان حوككەيشىلەر. جالپى, قازاقستان قۇراماسى نەگىزىنەن بۇرىنعى ويىنشىلاردان قۇرالىپ وتىر. الەم چەمپيوناتى ءوز ەلىمىزدە وتەتىندىكتەن, ءبىزدىڭ باپكەرلەر رەسەيدەن قازاقستانعا قاتىسى بار ءبىراز ويىنشىلاردى الدىرتتى. چەمپيوناتتى ۇيىمداستىرۋ كوميتەتىنىڭ وكىلى سۇلتانبەك سىزدىقوۆتىڭ ايتۋىنشا, ۇلتتىق قۇرامانىڭ باپكەرى وزگەرگەن جوق, باپكەرىمىز قىسقى ازيادا الدىندا تاعايىندالعان الەكسەي نيكيشوۆ.
چەمپيونات ءوز ەلىمىزدە وتەتىندىكتەن, الدىمىزعا جۇلدەلى ورىنداردىڭ بىرىنەن كورىنۋ ماقساتىن قويىپ وتىرعانىمىزدى دا جاسىرۋدىڭ ءجونى جوق. ال بۇعان دەيىن ەلىمىز قۇراماسى ەكى مارتە قولا مەدالعا قول جەتكىزگەن بولاتىن.
داستان كەنجالين.
