قازىر پوشتا قىزمەتتەرىن شاعىن جانە ورتا بيزنەس ارقىلى كورسەتۋ سەرىكتەستىك باعدارلاماسى قازاقستاننىڭ بارلىق جەرىندە جۇمىس ىستەيدى. كومپانيا جەكە بيزنەسپەن اينالىساتىن جەرگىلىكتى كاسىپكەرلەرمەن ىنتىماقتاستىق ارقىلى ءوز جەلىسىن كەڭەيتۋدە.
ەندى پوشتا بولىمشەلەرىنە بارماي-اق سالەمدەمەلەردى الۋعا نەمەسە جىبەرۋگە, اۋە جانە تەمىرجول بيلەتتەرىن ساتىپ الۋعا, كوممۋنالدىق تولەمدەردى جانە سالىقتاردى تولەۋگە بولادى. كاسىپكەرلەر دۇكەندەرىندە, جانار-جاعارماي قۇيۋ ستانتسيالارىندا جانە باسقا دا جەرلەردە قازپوشتانىڭ قىزمەتتەرىن كورسەتىپ, سونىمەن قاتار ءوز تاۋارلارىن ساتا الادى.
ء«بىز فرانچايزەر - سەرىكتەستەرىمىزگە دايىن باعدارلامانى ۇسىنامىز, قىزمەتكەرلەرىن ۇيرەتىپ, ۇيىمداستىرۋشىلىق جانە ماركەتينگتىك, سونداي-اق كولىكتىك-لوگيستيكالىق سۇيەمەلدەۋ جۇمىستارىن كورسەتەمىز. مۇنداي سەرىكتەستىكتىڭ ارقاسىندا شاعىن جانە ورتا بيزنەستەر تابىس تابۋدا, ال قازپوشتا ءوز جەلىسىن كەڭەيتۋدە», دەدى «قازپوشتانىڭ» كوممەرتسيالىق دەپارتامەنتىنىڭ ديرەكتورى زاميرا جۇماعۇل.
بۇگىنگى كۇنى قازاقستاننىڭ بارلىق قالالارىندا قازپوشتانىڭ 111 فرانچايزەر-سەرىكتەستەرى جۇمىسىن اتقارادى.
انىقتاما:
فرانچايزينگ – بەلگىلى ءبىر كومپانيا كەلىسىمشارتتىق قاتىناس ارقىلى بەلگىلى ءبىر ادامعا, كومپانياعا نەمەسە ۇيىمعا ءوزىنىڭ اتاۋىن, ونىڭ بەدەلىن, ونىمدەرى مەن قىزمەتتەرىن, ماركەتينگتىك تەحنولوگيالاردى, ساراپتامانى جانە قولداۋ مەحانيزمدەرىن پايدالانۋ قۇقىعىن بەرەتىن بيزنەس-ۇيىم ۇلگىسى.
فرانچايزينگتىك تۇردە كورسەتىلەتىن پوشتا قىزمەتتەرى شۆەيتساريادا, ءۇندىستاندا, اۆستراليادا, كانادادا جانە باسقا ەلدەردە كەڭىنەن تاراعان. ەڭ جارقىن مىسالدار - ۇلىبريتانيا مەن گەرمانيانىڭ پوشتا بولىمشەسى. Royal Mail -دىڭ11 600 فيليالى بولسا, ونىڭ 300-ءى عانا كومپانياعا تيەسىلى, ال Deutsche Post-تىڭ ءبىر عانا پوشتا بولىمشەسى بار, قالعاندارى كلاسسيكالىق فرانچايزينگ مودەلى بويىنشا جۇمىس ىستەيدى. وسى پوشتالاردىڭ تاجىريبەسىن قازپوشتا دا ءوز جۇمىسىندا قولداندى.
