كەنتتىڭ ەرەكشەلىگى-اينالاسىندا ءىرى جانە شاعىن كاسىپورىندارى بار ءوندىرىستى كەنت سانالادى. مۇنداعى ءوندىرىس ورىندارى كەنتكە قامقور, جۇيە قۇراۋشى كاسىپورىندار سانالادى. كەنتتىڭ جىلۋ قۇبىرى سۋمەن جابدىقتايتىن ەكىباستۇز – مايقايىڭ ارالىعىنداعى سۋ تاراتقىش, كەنت ىشىلىك سۋ تاراتقىش قۇبىرلارى ۋاقىتشا سەنىمگەرلىك باسقارۋعا «مايقايىڭ التىن» اق-قا بەرىلگەن. كارىز جۇيەلەرىمەن «اۋحال» جشس جۇمىس جۇرگىزەدى.
بىلتىر مايقايىڭدا «نۇربوبەك» بالاباقشاسى اشىلدى. اتا-انالاردىڭ دەنى «مايقايىڭ التىن» اق كەن بايىتۋ كومبيناتىندا, باسقا دا كەنىشتەردە ەڭبەك ەتەدى.
ال, كەنتتە جەكە جەر ۇيلەر سانى–796. كوپ قاباتتى بىرنەشە تۇرعىن ءۇي كۇردەلى جوندەۋدەن وتكەن. اباتتاندىرۋ جۇمىستارىن جۇرگىزۋ ماقساتىندا جەكە جەر ۇيلەر اراسىندا دا جوندەۋ, سىلاۋ, اقتاۋ جانە قورشاۋلارىن ايىرباستاۋ جۇمىستارى وتكىزىلدى.
بىلتىر وڭتۇستىك وڭىرلەردەن 4 وتباسى كوشىپ كەلسە, بيىل 10 وتباسى كەلىپ قونىستانىپتى. كەنت اكىمدىگىنىڭ مالىمەتىنشە, ىشكى كوشى-قونمەن كەلگەن قونىستانۋشىلارعا جان-جاقتى الەۋمەتتىك قولداۋ شارالارى جاسالعان.
قونىستانۋشىلار اراسىندا 4 دارىگەر, مەدبيكە, 1 سپورت جاتتىقتىرۋشىسى, مۋزىكا مامانى جانە ءوندىرىس ماماندارى كەلىپتى.
تۇرعىنداردىڭ جەكە مەنشىگىندەگى ساتىلاتىن 110 ءۇي بار, ونىڭ ىشىندە قۇنى 2 ميلليون تەڭگەدەن اسپايتىن 28 ءۇي, ال قالعاندارىنىڭ جالپى قۇنى 38 ميلليون 900 مىڭ تەڭگە قۇرايدى.
فاريدا بىقاي,
«ەگەمەن قازاقستان»
پاۆلودار
