ءسۇت ونىمدەرىن شىعارۋمەن اينالىساتىن كاسىپورىن ەلباسى جولداۋىنا سايكەس اعىمداعى جىلى قايتا كەڭەيتىلىپ قۇرىلىپ, مودەرنيزاتسيالانعان. يتاليانىڭ «FRAU IMPLANTI» كومپانياسىنىڭ جاڭا ۇلگىدەگى اۆتوماتتاندىرىلعان جەلىدەگى قۇرال-جابدىقتارىمەن جاساقتالعان. جوبا قۇنى 1,6 ميلليارد تەڭگە. كاسىپورىن جەتەكشىسى ابدىعالي بەگىمبەتوۆ باقىتجان ءابدىر ۇلىنا ورتالىقتىڭ تاۋلىگىنە 80 توننا ءسۇت وڭدەۋگە قاۋقارلى ەكەندىگىن باياندادى.
باقىتجان ساعىنتاەۆ بۇدان سوڭ تاراز قالاسىندا قۇرىلىسى ءجۇرىپ جاتقان №15 مولتەك اۋدانىنا اتباسىن بۇردى. بۇگىنگى تاڭدا مۇندا 80 پاتەرلى 10 كوپقاباتتى تۇرعىن ءۇي بوي كوتەرۋدە. ولار «نۇرلى جەر» جانە «7-20-25» مەملەكەتتىك باعدارلامالار شەڭبەرىندە سالىنۋدا. جاڭا مولتەكاۋدانداعى قۇرىلىس جوسپارى مەن مەملەكەتتىك باعدارلامالار اياسىنداعى اتقارىلىپ جاتقان جۇمىستار تۋرالى باقىتجان ساعىنتاەۆقا وبلىس اكىمىنىڭ ورىنباسارى ەركەبۇلان داۋىلباەۆ بايانداپ بەردى. ونىڭ ايتۋىنشا, ەلباسىنىڭ «بەس الەۋمەتتىك باستاماسىنىڭ» ءبىرىنشى باعىتى – ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» اياسىندا وڭىردە بىرقاتار جوبالار ىسكە اسىرىلۋدا. تاراز قالاسىنداعى قاجەتتى ينفراقۇرىلىممەن قامتاماسىز ەتىلگەن 462 گەكتار جەر تەلىمىندە جاڭا ەكى مولتەك اۋداندارىنىڭ قۇرىلىسى جۇرۋدە. اتالعان اۋدانداردا «7-20-25» باعدارلاماسى اياسىندا ۇسىنىلاتىن 480 كوپ قاباتتى جانە 969 جەكە تۇرعىن ءۇي قۇرىلىستارى باستالىپ, اعىمداعى جىلى 10 كوپپاتەرلى ءۇي (800 پاتەر), 2019 جىلى 25 ءۇي (1 380 پاتەر) پايدالانۋعا تاپسىرىلاتىن بولادى. جالپى, تاراز قالاسىندا 686 پاتەر باعدارلاما اياسىندا ازاماتتارعا ۇسىنۋ ءۇشىن دايىن.
«7-20-25» كرەديتتەۋ باعدارلاماسى اياسىندا اكىمدىك پەن قر ۇلتتىق بانكىنىڭ فيليالى, باعدارلاماعا قاتىسۋشى بانكتەر اراسىندا بىرلەسكەن ءىس-قيمىل جوسپارى بەكىتىلگەن. «قازاقستاننىڭ تۇرعىن ءۇي قۇرىلىس جيناق بانكى» فيليالىندا بۇگىندە 44 648 سالىمشىدان 10 ميلليارد تەڭگە جينالعان. يپوتەكالىق نەسيەنىڭ العاشقى جارناسىنىڭ 30 پايىزدان 20 پايىزعا تومەندەۋىنە بايلانىستى, پاتەر الۋعا مۇمكىندىگى بار ازاماتتاردىڭ سانى 3 ەسەگە ارتتى.
پرەمەر-ءمينيستردىڭ بارعان كەلەسى نىسانى جىلىنا 2100 توننا ءونىم وندىرەتىن «ساۋلە» كونديتەرلىك فابريكاسى بولدى. مۇندا فابريكا باسشىسى ساۋلە جانابەكوۆا زاۋىتتىڭ جۇمىسى, تىنىس-تىرشىلىگى تۋرالى جان-جاقتى مالىمەتپەن ءبولىستى. جوبانىڭ جالپى سوماسى 1,2 ميلليارد تەڭگەنى قۇراعان. وبلىس ورتالىعىندا ورنالاسقان كاسىپورىن جىلىنا 2160 توننا ءونىم وندىرۋگە قاۋقارلى. كاسىپكەر 2016-2017 جىلدار ارالىعىندا جابدىق ساتىپ الۋعا جانە كوممەرتسيالىق جىلجىمايتىن م ۇلىكتى قايتا جاڭارتىپ, ۆافلي وندىرەتىن جەلى ساتىپ الۋعا نەسيە العان. كونديتەرلىك ءوندىرىس نەگىزىنگەن ۆافلي ءونىمىنىڭ تۇرلەرىن شىعارۋمەن اينالىسادى.
بۇگىنگى تاڭدا فابريكانىڭ جوبا قۇنى 850,0 ميلليون تەڭگە بولاتىن ەكىنشى كەزەڭىنىڭ قۇرىلىسى جۇرگىزىلۋدە. جوبا ىسكە قوسىلعان كاسىپورىننىڭ تولىق جىلدىق قۋاتى 4500 توننا بولادى دەپ جوسپارلانۋدا. سوعان وراي تاعى جەتپىس ادامدىق جۇمىس ورنى اشىلادى دەپ كۇتىلۋدە. جوبانىڭ ەكىنشى كەزەڭى وسى جىلدىڭ اياعىندا پايدالانۋعا بەرىلمەك. «بيزنەستىڭ جول كارتاسى – 2020» مەملەكەتتىك باعدارلاماسى ارقىلى قوماقتى قارجى نەسيە الىپ, جۇمىسىن جانداندىرىپ وتىرعان كاسىپورىن ءوڭىر ەكونوميكاسىن ارتتىرۋعا ءوز ۇلەسىن تيگىزۋدە.
بۇدان كەيىن پرەمەر-ءمينيستردىڭ قاتىسۋىمەن تاراز قالاسىنان دارىندى بالالارعا ارنالعان ءىت ليتسەي-ينتەرناتى اشىلدى. بۇل ءبىلىم وشاعى ەلباسىنىڭ تىكەلەي تاپسىرماسىمەن قابىلدانعان «تسيفرلىق قازاقستان» باعدارلاماسىنىڭ شەڭبەرىندە ىسكە قوسىلدى. ليتسەي بارلىق زاماناۋي قۇرىلعىلار جانە وزىق تەحنولوگيالارمەن قامتىلعان. تاراز قالاسىنىڭ جاڭا 14-شاعىن اۋدانىندا ورنالاسقان ليتسەي ازىرگە 120 ورىندى بولىپ اشىلعانىمەن, 2019-2020 جىلدارى قۇرىلىس جۇمىستارى جۇرگىزىلىپ, 300 ورىنعا كەڭەيتىلەدى دەپ جوسپارلانۋدا.
ورنالاسقان جەر اۋماعى 1,7 گەكتار. ءبىلىم وشاعى وقۋشىلارعا IT تەحنولوگيالار اياسىندا قازاقشا, ورىسشا جانە اعىلشىن تىلدەرىندە ءبىلىم بەرمەك. وقۋ نىسانىندا 6 كومپلەكت سىنىپتارى قامتىلعان. تەحنيكالىق-ماتەريالدىق بازاسىنا كەلەر بولساق, ليتسەي كەشەنى 12 وقۋ كابينەتى, 2 كومپيۋتەر كابينەتى جانە كىتاپحانا, لمك, مەديتسينالىق كابينەت, STEM-لابوراتوريا, روبوتوتەحنيكا, Web-باعدارلامالار كابينەتتەرىمەن جابدىقتالعان. سونداي-اق, سپورتزال, اكت زال مەن اسحاناسى بار.
وڭىرگە جۇمىس ساپارى بارىسىندا باقىتجان ساعىنتاەۆ تاراز قالالىق جۇمىسپەن قامتۋ ورتالىعىندا بولىپ, وندا جۇمىس باعىتتارىمەن تانىستى. وبلىس اكىمىنىڭ ءبىرىنشى ورىنباسارى بەكبولات ورىنبەكوۆ وڭىردەگى جۇمىسپەن قامتۋ شارالارىنىڭ جۇزەگە اسۋى, ءوزىن-ءوزى جۇمىسپەن قامتىعاندار تۋرالى جانە شاعىن نەسيە بەرۋ مەن وسى ورايداعى كەزدەسىپ وتىرعان تۇيتكىلدى ماسەلەلەردى بايانداپ ءوتتى.
وبلىسقا جۇمىس ساپارى بارىسىندا باقىتجان ءابدىر ۇلى بيىل قايتا جاڭعىرتىلعان ق.رىسقۇلبەكوۆ اتىنداعى ساياباق پەن «جەلتوقسان» اللەياسىنا جانە جامبىل پوليتەحنيكالىق جوعارعى كوللەدجىنە دە كەلدى. جامبىل پوليتەحنيكالىق جوعارعى كوللەدجىنە بارعان پرەمەر-مينيستر وقۋ ورداسىنىڭ ماتەريالدىق-تەحنيكالىق بازاسىمەن تانىستى. كوللەدج 1560 ورىنعا ارنالعان. مەملەكەتتىك جانە ورىس تىلدەرىندە ءبىلىم بەرەتىن ءبىلىم ورداسىندا 2 وقۋ, ءوندىرىس كەشەندەرى, 420 ورىندىق ەكى جاتاقحاناسى, 74 وقۋ كابينەتتەرى, 15 كومپيۋتەرلىك كلاستار, 21 وقۋشەبەرحاناسى, 11 زەرتحاناسى, 3 سپورت زالى, 2 سپورت الاڭشاسى, كىتاپحانا, وقۋ جانە اكت زالدارى بار. مۇندا بارلىعى 586 ادام ەڭبەك ەتەدى. ونىڭ ىشىندە پەداگوگيكالىق قۇرام 313 ادام. بۇل تۋرالى وبلىستىق ءبىلىم باسقارماسىنىڭ باسشىسى راحيا تۇرماحانبەتوۆا ايتىپ بەردى.
ايتا كەتۋ كەرەك, اتالمىش وقۋ ورداسى وسى جىلدىڭ قىركۇيەك ايىندا جامبىل پوليتەحنيكالىق جانە تاراز حيميا-تەحنەولوگيالىق كوللەدجدەرىنىڭ بىرىكتىرىلۋى اياسىندا قايتا جاساقتالىپ, ءوز جۇمىسىن جالعاستىرۋدا. ەلىمىزدەگى ساپالى ءارى بىلىكتى ماماندار دايارلاۋدا «كاسىپقور» رەسپۋبليكالىق حولدينگىنىڭ 10 جەتەكشى كوللەدجدىڭ قاتارىنا ەنگەن. اتالعان كوللەدجدىڭ وقۋ شەبەرحاناسى فويەسىندە پرەمەر-مينيستر نازارىنا «تسيفرلى قازاقستان» مەملەكەتتىك باعدارلاماسىنىڭ وڭىردەگى ورىندالۋ جۇمىستارى بارىسى بويىنشا ازىرلەنگەن پرەزەنتاتسيا ۇسىنىلدى.
جامبىل وڭىرىمىزىنە ءىسساپارى بارىسىندا پرەمەر-مينيستر باقىتجان ساعىنتاەۆ وبلىستىق بالالار اۋرۋحاناسىنا, «تاراز سۋ» مەكەمەلەرىنە دە ارنايى اتباسىن بۇردى. سونداي-اق, جامبىلدىق كاسىپكەرلەرمەن, ءبىلىم جانە دەنساۋلىق ساقتاۋ سالاسى قىزمەتكەرلەرىمەن كەزدەسىپ, سالاداعى اتقارىلىپ جاتقان جۇمىستار مەن جاڭاشىلدىقتار تۋرالى وي ءبولىسىپ, وزەكتى ماسەلەلەردى تالقىلادى. «تسيفرلى قازاقستان» مەملەكەتتىك باعدارلاماسى مەن تاريفتەردى تومەندەتۋ بويىنشا قولعا الىنعان شارالار جايىندا جيىندار وتكىزدى.
حاميت ەسامان,
«ەگەمەن قازاقستان»
جامبىل وبلىسى
