قازاق ءالىپبيىن لاتىن گرافيكاسىنا كوشىرۋگە بايلانىستى مادەنيەت جانە سپورت مينيسترلىگى جالپىۇلتتىق ديكتانت جازۋعا باستاما كوتەردى. ءىس-شارا بۇگىن, 14 قاراشادا رەسپۋبليكا بويىنشا 11.00-دە, ال مۇنايلى وڭىردە جەرگىلىكتى ۋاقىت بويىنشا 10.00-دە ءوتتى.
شارانىڭ نەگىزگى ماقساتى - لاتىن گرافيكاسىنداعى قازاق ءالىپبيىن ءىس جۇزىندە قولدانۋعا بەيىمدەۋ, سونداي-اق قازاقستان رەسپۋبليكاسىنىڭ ءتىل ساياساتىن جۇزەگە اسىرۋ, لاتىن گرافيكاسىنداعى قازاق ءتىلىن مەڭگەرۋ جانە ءتىل ۇيرەنۋگە قىزىعۋشىلىقتى ارتتىرۋ.
- اتىراۋ وبلىسىندا جاڭا قازاق الىپبيىندە ديكتانت جازۋدا 80 مىڭنان استام ادامدى قامتۋ جوسپارلانعان, بىراق مەنىڭ ويىمشا, بۇل كورسەتكىش ودان دا ارتادى. كەيىن ماماندار جالپى ستاتيستيكا شىعارادى. ءبىزدىڭ باستى مىندەتىمىز - حالىقتىڭ لاتىن گرافيكاسىنا كوشۋىنە قانشالىقتى دايىن ەكەنىن ءبىلۋ, - دەدى تىلدەردى دامىتۋ باسقارماسىنىڭ باسشىسى اسيا قىستاۋباەۆا.
