قازاقستاندىق اسكەري قىزمەتشى, پودپولكوۆنيك ە.جورتانوۆ ءبىر جىل بويى افريكا ەلىندە بولدى. وسى ۋاقىتتا ول سونداعى ءبىر اسكەري باقىلاۋشىلار بازاسىندا قىزمەت اتقارىپ سول بازانىڭ كومانديرى بولىپ تاعايىندالدى.
«بىرىككەن ۇلتتار ۇيىمىنىڭ ميسسياسىنا قاتىسا وتىرىپ, مەن پايدالى تاجىريبە جيناقتادىم جانە العان بىلىمىممەن بولىسۋگە دايىنمىن. باتىس ساحاراداعى ميسسياعا قاتىسقان بۇرىنعى وفيتسەرلەر وزدەرىن كاسىبي جانە تاجىريبەلى ماماندار رەتىندە كورسەتە ءبىلدى», دەيدى ول.
ميسسيادا اسكەري باقىلاۋشىلار بەلگىلى ءبىر تاپسىرمالاردى ورىندايدى: تىنىشتىقتىڭ ساقتالۋىن قاداعالايدى, بولىنگەن جاۋاپكەرشىلىك اۋماعىن باقىلايدى. قازىرگى ۋاقىتتا باتىس ساحارادا جانە ليۆاندا بىرىككەن ۇلتتار ۇيىمىنىڭ ميسسياسىنا اسكەري باقىلاۋشى جانە اسكەري كونتينگەنت رەتىندە قازاقستان رەسپۋبليكاسى قارۋلى كۇشتەرى دە قاتىسۋدا. بىرىككەن ۇلتتار ۇيىمىنىڭ جەتەكشىسى ءبىزدىڭ اسكەري قىزمەتشىلەردىڭ كاسىبيلىگىنە جوعارى باعا بەرىپ, بىرىككەن ۇلتتار ۇيىمى ميسسياسى باسشىلىعىنىڭ مەدالدارى, العىس حاتتارىمەن جانە گراموتالارىمەن ماراپاتتاپتى.
ازامات قاسىم,
«ەگەمەن قازاقستان»
شىعىس قازاقستان وبلىسى
