كەزدەسۋ بارىسىندا ق.جۇبانوۆ اتىنداعى ءاومۋ كىتاپحاناسىنا ەلباسى كىتاپحاناسىنىڭ 350-دەن استام كىتابى سىيعا تارتىلدى. ولاردىڭ ىشىندە ن.ءا.نازارباەۆتىڭ ەڭبەكتەرى, تۇڭعىش پرەزيدەنتتىڭ 1990-2016 جىلدار اراسىنداعى قىزمەتىنىڭ حرونيكالارى, مەملەكەت باسشىسىنىڭ رەسمي ءومىربايانى, قازاقستاندىق جانە شەتەلدىك اۆتورلاردىڭ ەلباسى تۋرالى كىتاپتارى, قوعامدىق-ساياسي, ەكونوميكالىق جانە مادەني تاقىرىپتارداعى وزەكتى ادەبيەتتەر بار.
اتالمىش شارالار قر تۇڭعىش پرەزيدەنتى - ەلباسى كىتاپحاناسىنىڭ «ن.نازارباەۆ: ءداۋىر, تۇلعا, قوعام» اتتى كوشپەلى كورمە جوباسى اياسىندا ءوتتى. وعان اۋقىمدى عىلىمي-ءبىلىم بەرۋ, سونىمەن قاتار, اقتوبە وبلىسى بويىنشا كوشپەلى ەكسكۋرسيالار كىرەدى.
- جوبا 2017 جىلى قاراشا ايىندا الماتىدا باستاۋ الدى, كەيىن ءوز جۇمىسىن وسى جىلدىڭ اقپان ايىندا شىمكەنتتە جالعاستىردى. قىركۇيەك ايىندا اتىراۋدا تابىستى ءوتتى. كورمەمەن ەندىگى 350 مىڭنان استام تانىستى. ءبىز ەكسپوزيالاردى تولىقتىرىپ, اقتوبەگە كەلدىك, مۇندا مەن 85 جىلدىق تاريحى بار, ەلىزدەگى بەدەلدى ۋنيۆەرسيتەتكە سوقپاي كەتە المادىم. مۇندا ستۋدەنتتەردىڭ ساپالى ءبىلىم مەن جاقسى تاربيە الۋلارى ءۇشىن بارلىق جاعداي جاسالعانىن كورىپ تۇرمىن,-دەدى كەزدەسۋدە ماحمۇد قاسىمبەكوۆ.
كورمە جوباسىنىڭ ماقساتى - تاۋەلسىز قازاقستاننىڭ قالىپتاسۋى مەن دامۋىن, ساياسي مادەنيەتىنىڭ تاريحي ەۆوليۋتسياسىن جانە وسى ۇدەرىستەردەگى ەلباسىنىڭ تەڭدەسسىز ءرولىن سيپاتتايتىن دەرەكتەردى ۇسىنۋ.
جوبانىڭ نەگىزى ەلباسى كىتاپحاناسىنان جيناللعان قور كورمەسى بولىپ تابىلادى. جيناقتالعان, جۇيەلەنگەن ارحيۆتىك, كىتاپ, جادىگەرلىك كەشەندەر تاۋەلسىزدىگىمىزدىڭ تاريحىن, قازاقستاندا پرەزيدەنتتىك ينستيتۋتتىڭ قالىپتاسۋى مەن دامۋ بويىنشا بىرەگەي زەرتتەۋ, تالداۋ, مادەني-اعارتۋشىلىق, ءبىلىم بەرۋ, اقپاراتتىق الاڭدى جاساقتايدى.
اقتوبە وبلىسىنىڭ جالپاق جۇرتىنا ارنالعان كورمە ساراپشىلار قوعامداستىعى, عالىمدار, مادەنيەت جانە ءبىلىم بەرۋ سالالارى ماماندارى كەزدەسەتىن وزىندىك فورۋمعا اينالماق.
كورمە 2019 جىلعى قاڭتار ايىنىڭ سوڭىنا دەيىن جالعاسادى.
