سەرگەي يليۋشين اتىنداعى اۆياتسيالىق كەشەنى مەن قازاقستان اۆياتسيالىق زاۋىتى بىرىگىپ جەڭىل موتورلى ۇشاقتار جاساپ شىعارۋ تۋرالى كەلىسىمگە قول قويدى.
«حالىقارالىق Booking.com كومپانياسىنىڭ قۇرامىندا 117 مىڭنان استام مامان قىزمەت اتاقارادى. قىزمەتى سانالۋان. «ۆيرتۋالدى الەم يدەياسىن تۋريزم سالاسىندا قولدانۋ» جوباسىن پەتروپاۆلدا ەنگىزۋدى كوزدەپ وتىرمىز. وسىندا تاجىريبەمىزبەن ءبولىسىپ, بىرنەشە جاڭا ترەندتەر ۇسىندىق», دەيدى «Booking.Com» ۇيىمىنىڭ مەنەدجەرى الىبەك داتباەۆ. .
س.يليۋشين اتىنداعى اۆياتسيالىق كەشەنى مەن قازاقستان اۆياتسيالىق زاۋىتى اراسىندا قابىلدانعان مەموراندۋمعا سايكەس جەڭىل ۇشاقتار قۇراستىرىلاتىن بولادى. كاسىپورىننىڭ ىرگەتاسى كەلەسى جىلى قالانىپ, ءبىر جىل ىشىندە بوي كوتەرەدى. يل 130 م دەپ اتالاتىن بۇل اۋە كولىگى 1963 جىلى سەرتيفيكاتتالعان ەكەن.
س. يليۋشين اتىنداعى اۆياتسيالىق كەشەنى» اق-نىڭ باس ديرەكتورى الەكسەي روگوزيننىڭ ايتۋىنشا, جەڭىل موتورلى ۇشاقتار كوپتەگەن باعىتتاردا قولدانىلادى. تاۋلى ايماقتار ءۇشىن وتە ىڭعايلى. كەز كەلگەن جەرلەرگە ۇشىپ, قونا الادى.
«قازاقستان اۆياتسيالىق زاۋىتى» جشس-ءنىڭ باس ديرەكتورى ۆيكتور دولجەنكوۆ مەموراندۋمعا سايكەس جەڭىل موتورلى ۇشاقتار پەتروپاۆل قالاسىندا شىعارىلاتىنىن جەتكىزدى.
ءومىر ەسقالي,
«ەگەمەن قازاقستان»
سولتۇستىك قازاقستان
