ۆلاديمير پۋتين قازاقستان مەن رەسەي ەكونوميكالىق وپەراتورلارى اراسىنداعى بارلىق ەسەپ ايىرىسۋدىڭ 63 پروتسەنتى ۇلتتىق ۆاليۋتادا جۇزەگە اسىرىلاتىنىن, جۋىق ارادا بۇل كورسەتكىش 75 پروتسەنتكە جەتۋ ىقتيمالدىعىنا توقتالدى. مادەنيەت, ءبىلىم بەرۋ سالالارىندا دا قارىم-قاتىناس ارتىپ كەلەدى. رەسەيدىڭ 76 سۋبەكتىسى قازاقستاننىڭ 14 وبلىسىمەن تۇراقتى بايلانىس ورناتقان. بيىل قازاقستانعا 50-دەن استام رەسەيلىك ايماقتىق دەلەگاتسيالار كەلدى. ونداعان بيزنەس-ميسسيالار, جاستار باعدارلامالارى ۇيىمداستىرىلدى. ولاردىڭ ىشىندە ىلىم, ءبىلىم جانە مادەنيەت سالالارى كەڭىنەنە قامتىلدى», دەدى رف باسشىسى.
ەكى ەل اراسىنداعى ءتۋريزمنىڭ ىرعاقتى دامۋىنا فورۋمعا قاتىسۋشىلاردىڭ نازارى اۋدارىلدى.تۋريستىك يندۋستريا ەلەۋلى ەكونوميكالىق الەۋەتكە يە. رەسەيدە ىشكى جانە سىرتتان كەلەتىن تۋريزمگە قاتىستى ۇلكەن جۇمىستار اتقارىلۋدا. سونىمەن قاتار ەكى ەل اراسىندا تۋريستىك الماسۋ دەڭگەيى نىعايىپ كەلەدى. رەسەيگە جىل سايىن 3,6 ملن قازاقستاندىق, قازاقستانعا 3 ملن رەسەيلىك ساپارلايدى. بۇل كورسەتكىشتەر الداعى ۋاقىتتا ارتا تۇسەدى دەگەن سەنىم زور.
القالى باسقوسۋدا تۋريستەرگە ۇسىنىلاتىن تاريحي-مادەني قۇندىلىقتاردى جەتىلدىرۋ جولدارى ۇسىنىلدى. ەكى ەلدىڭ ۇلتتىق داستۇرلەرىمەن, ەرەكشەلىاكتەرىمەن, ۇقساستىقتارىمەن تەرەڭىرەك تانىستىراتىن باعدارلامالار ازىرلەۋ تاپسىرىلدى. سونىمەن قاتار كيەلى جەرلەرگە, قاسيەتتى ورىندارعا ساپارلاۋعا ساياحاتشىلاردىڭ قىزىعۋشىلىعىن ارتتىرۋدىڭ باسقا دا ءادىس-تاسىلدەرى ەنگىزىلەتىن بولدى.
فورۋمعا قاتىسۋشىلاردىڭ بارلىعىنا بەلسەندى بىرلەسكەن جۇمىس ءۇشىن العىسىمدى ايتامىن. وڭىرارالىق ىنتىماقتاستىق فورۋمى كەلەسى جىلى ومبىدا وتكىزىلەدى. شاقىرۋىمدى قابىل الىڭىزدار», دەدى ۆ.پۋتين.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
