نەگىزگى قاشىقتىققا (11 كم) جۇگىرۋدەن, ۇلدار اراسىندا 36 ساعات 24 مينۋت كورسەتكىشپەن ميحايل كراسيلوۆ, ال دانا ايدوسوۆا قىزدار اراسىنان 43:46 ۋاقىت ناتيجەسىمەن جەڭىپاز اتاندى. كۇزگى جۇگىرۋ جارىسىنىڭ ەڭ جۇيرىك جۇگىرۋشىلەرى, ءابسوليۋتتى جەڭىپازدار مەدالداردان بولەك 1-ورىن ءۇشىن 50 000 تگ, 2-ورىن ءۇشىن 30 000 تگ جانە 3-ورىن ءۇشىن 20 000 تگ اقشالاي سىيلىق الدى.
كۇزگى جارىس ادەتتەگىدەي بۇكىلالەمدىك ديابەتپەن كۇرەس كۇنى قارساڭىندا «سانوفي» كومپانياسىنىڭ قولداۋىمەن ءوتتى.
جۇگىرۋ جارىستارىنا بەلسەندى تۇردە قاتىساتىن «سانوفي قازاقستان» باسقارما توراعاسى رانگا ۆەلاراتنە وتكەن ءىس-شارا بويىنشا بىلاي دەدى: «قانت ديابەتى – بۇل كۇردەلى اسقىنۋلارعا اكەلەتىن سوزىلمالى اۋرۋ. دەرتتىڭ ءوسۋ دەڭگەيىنىڭ ارتۋىنا قاراي, قانت ديابەتىن «XXI عاسىردىڭ ينفەكتسيالىق ەمەس ىندەتى» دەپ اتاۋعا بولادى. حالىقارالىق ديابەت فەدەراتسياسىنىڭ (IDF) بولجامىنا ساي, 2040 جىلعا تامان قانت ديابەتىنە شالدىققان 20-79 جاستاعى ادامداردىڭ سانى 642 ميلليونعا وسەدى. سول سەبەپتى بۇل اۋرۋدى ۋاقتىلى دياگنوستيكالاۋعا جانە الدىن الۋعا ەرەكشە كوڭىل بولگەن دۇرىس».
جۇگىرۋ جارىسى كەزىندە ادامدار قانت پەن حولەستەرينگە ەكسپرەسس-تەست تاپسىرىپ, «Cardios» مەديتسينالىق ورتالىعىنىڭ كارديولوگ دارىگەرىنەن كەڭەس الدى.
«وسى جۇگىرۋ جارىسىنا 1 107 اۋەسقوي سپورتشى قاتىستى. بۇل ەلىمىزدە بەلسەندى ءومىر سالتىن تاڭدايتىن ادامداردىڭ سانىنىڭ ءوسىپ جاتقانىن كورسەتەدى», - دەيدى جۇگىرۋ جارىسىنىڭ ۇيىمداستىرۋشىسى, ء«بىرىنشى بولۋ - باتىلدىق» كورپوراتيۆتىك قورىنىڭ تۇراقتى جۇرگىزۋشىسى ۆاليحان تەن. ونىڭ سوزىنشە, ءبىزدىڭ بۇگىنگى مىندەتىمىز – بۇل ۋاقتىلى مەديتسينالىق تەكسەرۋدەن ءوتىپ, اعزاعا كۇتىممەن قاراۋ.
كۇزگى جۇگىرۋ جارىسى 2018 جىلدى قورىتىندىلايتىن outdoor-شارا بولدى. الدا ترياتلون يندور بويىنشا الماتى چەمپيوناتى وتەدى. جاڭا ماۋسىمدىق جۇگىرۋ جارىستارى 2019 جىلدىڭ اقپانىندا باستالادى. ال, جاڭا جىلدان باستاپ, تۇڭعىش پرەزيدەنت ساياباعىندا سورەگە دايىندالۋعا نيەت بىلدىرگەندەر ءۇشىن اشىق جاتتىعۋلار باستالادى.
