ءوڭىر باسشىسى ب.اسانوۆ تازالىق جۇمىسىنىڭ بارىسىمەن تانىسۋ ءۇشىن اۋدان ورتالىعى مىرزاكەنت كەنتى مەن اتاكەنت كەنتتەرىن ارالاپ كوردى. سەنبىلىك بارىسىندا ورتالىق كوشەلەردەگى توزعان بيلبوردتاردى دەرەۋ جاڭارتىپ, كاسىپكەرلەر تاراپىنان بەيرەسمي ىلىنگەن جارنامالىق باننەرلەردى الىپ تاستاۋ ءۇشىن ءتيىس مەكەمەلەرگە تاپسىرما بەردى.
«اۋداننىڭ كىرەبەرىسىنەن باستاپ مىرزاكەنت كەنتىنە دەيىنگى رەسپۋبليكالىق جولداردىڭ بويىندا 90 جىلدىق مەرەيتويعا بايلانىستى بيلبوردتار ورناتىلۋى ءتيىس. تۇرعىندار مەرەكەلىك كوڭىل-كۇيدە بولۋى ءۇشىن مىرزاكەنت پەن اتاكەنت كەنتتەرىنىڭ ورتالىق كوشەلەرىنە لەنتالار ءىلىنىپ, تازالىق بارلىق جەردە ساقتالۋى كەرەك» - دەدى باقىت ءناسىرحان ۇلى.
سەنبىلىككە مەملەكەتتىك قىزمەتكەرلەردەن باستاپ, ءبىلىم, سپورت, دەنساۋلىق ساقتاۋ مەكەمەلەرىنىڭ, جەكەمەنشىك مەكەمەلەردىڭ قىزمەتكەرلەرى بەلسەنە قاتىستى.
ايتا كەتەيىك, اۋدان كولەمىندە وتكەن تازالىق ءىس-شاراسىنا 2 كەنت, 9 اۋىلدىق وكرۋگتەن 2 مىڭنان اسا ادام جانە 30-دان اسا تەحنيكا قاتىسىپ, 410 توننا رەتسىز كۇل-قوقىس شىعارىلدى. 48 شاقىرىم كوشەنىڭ بويلارى, 12 شاقىرىم اياقجولدار تازالانىپ, رەتكە كەلتىرىلدى. ودان بولەك, كوپقاباتتى ۇيلەردىڭ اۋماقتارى مەن كىرەبەرىستەرى, 1431 شارشى مەتر ءۇي ىرگەلىك اۋلالار, 903 شاقىرىمدى قۇرايتىن يرريگاتسيالىق جۇيەلەر قوقىستان ارىلدى.
