«ول ماڭگىلىككە ءبىزدىڭ جۇرەگىمىزدە قالادى…» اتتى تاقىرىپتىق كەش «وڭتۇستىك» وڭىرلىك قولباسشىلىعىندا بولىپ ءوتتى. وعان وڭىرلىك قولباسشىلىقتىڭ باسشىلىعى, ارداگەرلەرى, جەكە قۇرامى, دەنيستىڭ اكەسى يۋري تەن, بياتلون بويىنشا قىسقى وليمپيادا ويىندارىنىڭ كۇمىس جۇلدەگەرى زاپاستاعى كاپيتان ەلەنا حرۋستالەۆا, سەمسەرلەسۋدەن 2018 جىلدىڭ ازيا ويىندارىنىڭ جەڭىمپازى ەفرەيتور دميتري الەكسانين جانە تاعى باسقالار قاتىستى.
- ول بۇل جەردە جاس جاۋىنگەر كۋرسىنان ءوتتى. انت قابىلدادى, ءجيى-ءجيى سپورتتىق شارالارعا كەلەتىن. جەدەل اسكەري قىزمەتتەن كەيىن, كەلىسىمشارت بويىنشا قىزمەتتى جالعاستىرعىسى كەلدى. بولاشاعىنان ءۇمىت كۇتتىرەر سپورتشى جانە ءبىزدىڭ اسكەري قىزمەتشىنىڭ ۇلتتىق ۇلاننىڭ شتاتتىق سپورتتىق كوماندا قۇرامىنا كىرۋى زاڭدى ەدى , - دەپ دەنيس تەن تۋرالى ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ ءوز ەستەلىگىمەن ءبولىستى.
جاۋىنگەرلىك جانە قىزمەتتىك مىندەتىن ۇلگىلى اتقارعانى, قوعامدىق ءتارتىپتى كۇزەتۋگە بەلسەندى قاتىسقانى, سونداي-اق, ەسترەمالدى جاعدايدا كورسەتكەن ەرلىگى مەن جانكەشتىلىگى ءۇشىن لەيتەنانت دەنيس تەن قايتىس بولعاننان كەيىن «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالىمەن ماراپاتتالدى. ماراپاتتى مانەرلەپ سىرعاناۋشىنىڭ اكەسىنە گەنەرال-مايور مۇحامەتقالي ساتوۆ تاپسىرىپ, دەنيس ۇلاندىقتاردىڭ جادىندا ماڭگىلىككە قالاتىنىن جانە ونىڭ ۇلگىسىندە جاس وتان قورعاۋشىلار تاربيەلەنەتىنى تۋرالى ايتىپ ءوتتى.
- دەنيس ارقاشان سپورتپەن شۇعىلداندى, ونىڭ باسقا نارسەگە الاڭدايتىنى بايقالمادى. ءار كەزدە جاتتىعۋلار, جازدىڭ وزىندە تىنىم المايتىن, ءبىر ماۋسىمنان كەلەسى ماۋسىمعا دايىندىق ۇستىندە بولاتىن. ول اسكەري قىزمەتشىلەرمەن كەزدەسۋگە ۋاقىت تاباتىن. وكىنىشكە وراي, تەك ونىڭ اجالى عانا حالىقتىڭ وعان دەگەن ماحابباتىنىڭ سونشالىقتى ۇلكەن ەكەنىن كورسەتتى, - دەگەن يۋري تەن ۇلتتىق ۇلان باسشىلىعىنا قولداۋ ءۇشىن العىسىن ايتتى.
2011 - 2012 جىلدارى دەنيس جەدەل اسكەري قىزمەتىن الماتى قالاسى 7552 اسكەري بولىمىندە اتقاردى. ول اسكەري قىزمەتتى كەلىسىمشارت نەگىزىندە ۇلتتىق ۇلاننىڭ شتاتتىق سپورتتىق كوماندا قۇرامىندا جالعاستىرۋ ۇسىنىسىن ۇلكەن ىجداھاتتىلىقپەن قابىلدادى.
باستاپقىدا ول دەنە دايارلىعى بويىنشا اعا نۇسقاۋشى لاۋازىمىندا بولىپ, «كىشى سەرجانت» اسكەري شەنىنە دەيىن كوتەرىلدى. كەيىن سوچيدە قازاقستانعا قولا مەدالدى ۇتىپ العاندا دەنيستىڭ وفيتسەر بولاتىنىنا ەشكىم ءشۇبا كەلتىرگەن جوق.
دەنيس سونداي-اق, قازاقتاندىقتاردىڭ جاس بۋىنى ءۇشىن ەڭبەكقورلىق پەن جىگەرلىلىكتىڭ ۇلگىسى رەتىندە اسكەري قىزمەتشىلەردىڭ اسكەري-پاتريوتتىق تاربيەسىنە دە بەلسەندى قاتىستى.
ەسكە ءتۇسىرىپ وتسەك, جاقىن كۇندەرى ايگىلى فيگۋريستى ەسكە الۋعا بايلانىستى ونىڭ تۋعان قالاسى الماتىدا بىرنەشە شارا بولىپ ءوتتى. بۇل دەنيس تەن تۋىپ-وسكەن ۇيدە مەموريالدى تاقتانىڭ اشىلۋى, «Halyk Arena» سپورت كەشەنىندە دەنيس تەن قورى كەسەنەسىنىڭ تۇساۋكەسەرى.
اتالمىش فوند دەنيس تەنگە ارناپ استاناداعى «MegaSilkWay» ساۋدا ورتالىعىندا فوتوكورمە ۇيىمداستىرادى. ونىڭ اشىلۋى 10 قاراشا ساعات 17.00-دە 2 قاباتتا ءوتىپ, 10 كۇن بويى جالعاسادى
