ۇلتتىق كىتاپحانا ديرەكتورى جانات سەيدۋمانوۆ سەمينار قاتىسۋشىلارىنا جولداۋدى جۇزەگە اسىرۋعا بايلانىستى ەلدەگى كىتاپحانا ءىسىن دامىتۋ باعدارلاماسىن دامىتۋ, ساپالى ادامي كاپيتالدى قالىپتاستىرۋداعى باسىم تۇجىرىمدامالاردى انىقتاۋ مەن قازاقستان كىتاپحانالارى قورىن تسيفرلاندىرۋ ماسەلەسىنە قاتىستى بىرقاتار جوسپارىمەن ءبولىستى.
سەمينارعا قاتىسقان رەسپۋبليكانىڭ جەتەكشى كىتاپحانالارىنىڭ باسشىلارى, ساراپشىلار, وبلىستىق كىتاپحانا وكىلدەرى قازاقستاندىقتاردىڭ اقپاراتقا قولجەتىمدىلىگىن زاڭنامالىق تۇرعىدان قامتاماسىز ەتۋ, سونداي-اق كىتاپحانا جۇمىسىن بىرىكتىرۋ, سالاداعى مەملەكەتتىك-جەكەمەنشىك ارىپتەستىكتى ىسكە اسىرۋ جونىندەگى جاڭا باعىتتاردىڭ جوبالارى اياسىندا ءوز پىكىرلەرىمەن ءبولىستى.
سەمينار قاتىسۋشىلارى سونىمەن قاتار اعىمداعى جىلى وتكەن «كىتاپحانا – قوعامنىڭ كوپفۋنكتسيونالدى, كوپ دەڭگەيلى الەۋمەتتىك-مادەني ينستيتۋتى» بۇكىلقازاقستاندىق كىتاپحاناشىلار سەزى دەلەگاتتارىنىڭ ۇسىنىستارىن تالقىلاپ, الداعى اتقارىلاتىن جۇمىستار بارىسىنا توقتالدى.
الماتى قالاسى ەڭبەك ينسپەكتسياسى جانە كوشى-قون باسقارماسىنىڭ باس مامانى كايسار باحىتجانوۆ, «ينتەرپرينت» جشس وقۋ ورتالىعىنىڭ جەتەكشىسى ساۋلە قاناتوۆا, مەملەكەتتىك جەكەمەنشىك ارىپتەستىك بويىنشا ساراپشى قايرات قاسەنوۆ, «Technology of imaging» جشس ديرەكتورى ەۆگەني ليۋتس, الماتى قالاسى دەنساۋلىق باسقارماسى فتيزيوپۋلمونولوگيا ورتالىعىنىڭ ۇيىمداستىرۋ-ادىستەمە ءبولىمىنىڭ مەڭگەرۋشىسى قارلىعاش مولداحمەتوۆا بايانداما بايانداما جاساپ, ق.ساتباەۆ اتىنداعى قازۇتزۋ, ءال-فارابي اتىنداعى قازۇۋ, س.سەيفۋللين اتىنداعى الماتى وبلىستىق امبەباپ كىتاپحاناسىنىڭ, س.اسفەندياروۆ اتىنداعى قازمۋ, «Technology of imaging» جشس ماماندارى قاتىسىپ, ەلباسى جولداۋىن ىسكە اسىرۋعا بايلانىستى ۇسىنىستارىن ءبىلدىردى.
ەلۆيرا سەرىكقىزى,
«ەگەمەن قازاقستان»
الماتى
