بيىلعى بايقاۋ نەگىزگى بەس اتالىم بويىنشا ءوتتى. ولار: كلاسسيكالىق مۋزىكا, حالىق مۋزىكاسى, ەسترادالىق ۆوكال, حورەوگرافيا, جۋرناليستيكا. كەيبىر اتالىمدار سەكتسيالارعا ءبولىنىپ, ولاردىڭ ارقايسىسىندا نەگىزگى جۇلدەلى ورىندار مەن گران-پريدەن باسقا, تانىمال ونەر قايراتكەرلەرىنىڭ قۇرمەتىنە ارنايى اتاۋلى ديپلومدار تاپسىرىلدى.
بۇگىن «شابىت» فەستيۆالىنىڭ جۇلدەگەرلەرى انىقتالىپ, ۇلتتىق ونەر ۋنيۆەرسيەتىندە جەڭىمپازداردى سالتاناتتى تۇردە ماراپاتتاۋ ءراسىمى ءوتتى. ال كەشكى ساعات جەتىدە, بەيبىتشىلىك جانە كەلىسىم سارايىندا گران-پري يەگەرلەرىن ماراپاتتايدى جانە فەستيۆالدىڭ جابىلۋ سالتاناتى وتەدى.
اراعا التى جىل سالىپ, قايتا «شابىت» فەستيۆالىنىڭ اتالىمدار قاتارىنا ەنگەن جۋرناليستيكا سالاسى بويىنشا «ەگەمەن قازاقستان» گازەتى ادەبيەت جانە ونەر ءبولىمىنىڭ ءتىلشىسى نازەركە جۇماباي «ينتەرنەت رەسۋرستارى» اتالىمى بويىنشا ءبىرىنشى ورىنعا يە بولدى. ونەر تاقىرىبىنداعى ورنەكتى ماقالالارىمەن وقىرمانعا وي سالىپ, قالامىنىڭ قۋاتىن كورسەتە بىلگەن تالانتتى ارىپتەسىمىزدى جەڭىسىمەن قۇتتىقتاپ, شىعارماشىلىق تابىس تىلەيمىز.
باعاشار تۇرسىنباي ۇلى,
«ەگەمەن قازاقستان»
