قولدانىستاعى كابينالارعا قاراعاندا, جان-جاقتى اشىق شولۋ كابيناسى جولاۋشىلارعا قىزىقتى كوڭىل-كۇي سىيلاپ, ەرەكشە اسەر الۋعا مۇمكىندىك بەرەدى. كابيناداعى ءمولدىر قاباتتى ەدەن كوركەم شاتقالدىڭ ۇستىنەن ءجۇزىپ بارا جاتقانداي اسەر قالدىرادى. فۋنيكۋلەرگە «مەدەۋ-شىمبۇلاق» ارقان جولى ارقىلى وتىرۋعا بولادى.
شەت ەلدەردەگى اتىشۋلى اتتراكتسيوندار, مىسالى, چجانتسزياتسزە ۇلتتىق ساياباعى مەن قىتايداعى حۋنان پروۆينتسياسىنداعى باس اينالدىرار بيىكتىكتە ورنالاسقان شىنىدان جاسالعان اسپالى كوپىرلەر بۇكىل الەم تۋريستەرىن تاڭعاجايىپتارىمەن قىزىقتىرىپ كەلەدى. ال ولاردىڭ بەينەباياندارى الەۋمەتتىك جەلىلەردە كەڭ تارالىپ, كوپشىلىكتى ىنتىقتىرا تۇسۋدە. ەندىگى كەزەكتە قازاقستاندىقتار دا مۇنداي كوركەم كورىنىستەر قولجەتىمدى بولادى.
Samsung كومپانياسىنىڭ پرەزيدەنتى ۋن چول يۋن مىرزانىڭ ايتۋىنشا, Samsung بارلىق كەڭىستىكتە – ۇيدە دە, قالا كوشەلەرى مەن تابيعات اياسىندا دا يننوۆاتسيالىق مۇمكىندىكتەردى سىيعا تارتادى. جاڭا ساياحات تۇرلەرى الماتىلىقتار مەن تۋريستەرگە ەستەن كەتپەس ساياحات سىيلايدى.
ەلۆيرا سەرىكقىزى,
«ەگەمەن قازاقستان»
الماتى
