بۇل جونىندە تۇركىستان وبلىسىنىڭ اكىمى جانسەيىت تۇيمەباەۆتىڭ «KK-KIUNSEN» كومپانياسىنىڭ ديرەكتورى دجون ەنگ سۋن باستاپ كەلگەن دەلەگاتسيامەن كەزدەسۋىندە ءمالىم ەتىلدى. ينۆەستيتسيالىق جوبالاردى جۇزەگە اسىرۋ جايى اڭگىمە بولعان باسقوسۋدا وبلىس اكىمى قوناقتارعا ءوڭىردىڭ ەكونوميكالىق الەۋەتى جايىندا ماعلۇمات بەردى.
«وڭتۇستىك كورەيانى جاڭا تەحنولوگيا, اۋىل شارۋاشىلىعى, ءوندىرىس سالالارى دامىعان ەل رەتىندە بىلەمىز. بولاشاقتا اتالعان سالالاردا بايلانىس ورناتىپ, ەكى ەل اراسىنداعى دوستىق قارىم-قاتىناستى نىعايتا تۇسەمىز دەگەن سەنىمدەمىز. تۇركىستان وبلىسى كاسىپورىندار اشىپ, كاسىپكەرلىك سالاسىن دامىتۋعا وتە قولايلى ايماق. سونداي-اق, وڭىرىمىزدە جاڭا جوبالار قۇرىپ, جۇمىس ىستەۋگە نيەتتى ينۆەستورلارعا ءتۇرلى جەڭىلدىكتەر مەن مۇمكىندىكتەر قاراستىلعان», – دەدى ج. تۇيمەباەۆ.
عالىمجان ەلشىباي,
«ەگەمەن قازاقستان»
تۇركىستان وبلىسى
