قازاقستان پرەزيدەنتى نۇرسۇلتان نازارباەۆتىڭ بيىلعى جولداۋى دەر كەزىندە جاريالانعان جانە الەمدىك قوعامداستىقپەن ءبىر باعىتتا ەل ەكونوميكاسىن جاڭعىرتۋعا ارنالعان قۇجات بولىپ تابىلادى. بۇل جولداۋ تەك قانا قازاقستاندىقتارعا عانا ەمەس, سونداي-اق قازاقستاندا جۇمىس ىستەۋگە مۇددەلى نەمەسە قازىرگى ۋاقىتتا جۇمىس ىستەپ جاتقان شەتەلدىك ينۆەستورلارعا دا باعىتتالىپ وتىر, ويتكەنى وندا ىشكى جانە سىرتقى ساياسات ماسەلەلەرى قاتار كوتەرىلگەن.
شەتەلدىك ارىپتەستەرمەن بىرلەسكەن ينۆەستيتسيالار قاعيداتى بويىنشا ءىس-شارالاردى جۇزەگە اسىرۋ ءۇشىن شيكىزاتتىق ەمەس سەكتوردا تىكەلەي ينۆەستيتسيالار قورىن قۇرۋ جولداۋدا ايتىلعان باستى يدەيالاردىڭ ءبىرى بولىپ سانالادى. بۇل باستاما قازاقستان ەكونوميكاسىن ارتاراپتاندىرۋعا مۇمكىندىك بەرەدى. سونداي-اق ۇكىمەتتىڭ قاتىسۋى – جەرگىلىكتى قازاقستاندىق كومپانيالاردى دامىتۋعا زور ىقپالىن تيگىزە الادى.
بۇدان بولەك جولداۋدا تاعى ءبىر ماڭىزدى ەلەمەنت – ادام كاپيتالىنا ينۆەستيتسيا قۇيۋ ماسەلەسى ورىندى كوتەرىلگەن. ويتكەنى ەلدىڭ بولاشاعى ادامداردىڭ الەۋەتىنە ساي باعالانادى. قازاقستاندا سوڭعى 2 جىل بويىنا جۇمىس ىستەي ءجۇرىپ, ايماقتا باسەكەگە قابىلەتتى مامان تابۋ ماسەلەسىمەن ءجيى ۇشىراسامىز. بۇل قادام جەرگىلىكتى نارىقتاعى بىلىكتى ماماندار تاپشىلىعىن جويۋعا ىقپال ەتەدى دەگەن ويدامىز.
جولداۋدا الەۋمەتتىك باستامالارمەن قاتار, وتاندىق ەكونوميكانىڭ باسەكەگە قابىلەتتىلىگىن ارتتىرۋ, ەكسپورتقا باعىتتالعان وندىرىستەردى قولداۋ جانە قازاقستاننىڭ ەكونوميكالىق ساياساتىنىڭ نەگىزى بولىپ سانالاتىن وتاندىق برەندتەردى قالىپتاستىرۋعا باسىمدىق بەرىلگەن.
شاحۋل حاميد بەن موحد يسمايل,
«Reach Energy» كومپانياسىنىڭ اتقارۋشى ديرەكتورى
(مالايزيا)
