بۇگىنگى تاڭدا 13 تاۋار ءتۇرى بويىنشا 13 حاتتاماعا قول قويىلدى, تاعى ءۇش حاتتاما قازاقستان پرەمەر-ءمينيسترىنىڭ قحر-عا رەسمي ساپارى كەزىندە قول قويۋعا كەلىسىلدى.
ساپار بارىسىندا قازاقستاندىق دەلەگاتسيا 130-دان استام ەل مەن ۇلتارالىق كومپانيالار قاتىساتىن «CHINA INTERNATIONAL IMPORT EXPO» يمپورتتىق تاۋارلاردىڭ حالىقارالىق كورمەسىندە بولدى. ەلىمىزدىڭ ۇلتتىق پاۆيلونىندا 30-دان استام كومپانيا ونىمدەرى ۇسىنىلعان, ولاردىڭ نەگىزگى بولىگى ازىق-ت ۇلىك وندىرۋشىلەر.
«CHINA INTERNATIONAL IMPORT EXPO» كورمەسى بارىسىندا ءو.شوكەەۆ «ساۋدا جانە يننوۆاتسيالار» فورۋمىنا قاتىسىپ, حالىقارالىق كورمە قوناقتارىنىڭ الدىندا بايانداما جاسادى. ۆيتسە-پرەمەر ءوز سوزىندە قازاقستاننىڭ اۋىلشارۋاشىلىعىن ينۆەستيتسيالاۋدىڭ ارتىقشىلىقتارى تۋرالى ايتىپ بەردى.
سونىمەن قاتار «ساۋدا جانە يننوۆاتسيالار» فورۋمىندا كورمەنىڭ ۇلتتىق دەلەگاتسيالارىنىڭ باسشىلارى, ەۋرووداق ەلدەرىنىڭ پرەمەر-مينيسترلەرى جانە مينيسترلەرى, ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) باسشىلىعى, سونداي-اق Microsoft جانە AliBaba كومپانيالارىنىڭ نەگىزىن قالاۋشىلار ءسوز سويلەدى.
كورمە بارىسىندا قازاقستان اۋىلشارۋاشىلىعى مينيسترلىگىنىڭ, «قازاگرو» اق باسشىلىعىنىڭ جانە وبلىس اكىمدىكتەرى وكىلدەرىنىڭ قاتىسۋىمەن قىتاي مەن قازاقستان ىسكەر توپتارىنىڭ ەكىجاقتى كەزدەسۋلەرى ءوتتى. «Qazaq capital partners» مەن «Wudeli Flour Group Co. LTD» اراسىندا استانا قالاسىندا استىق وڭدەۋ جانە كەسپە ءوندىرۋ زاۋىتىن سالۋ تۋرالى مەموراندۋمعا قول قويىلدى. قىتاي كومپانيالارىنىڭ وكىلدەرى قازاقستاننىڭ اۋىلشارۋاشىلىعى سالاسىنا قىزىعۋشىلىق تانىتىپ, ينۆەستيتسيا سالۋدى جوسپارلاپ وتىر.
«ەگەمەن-اقپارات»
