ماتچتىڭ 18-مينۋتىندا بۇرىشتامادان بەرىلگەن دوپتى قاقپاعا ءدال باعىتتاعان پەدرو ەنريكە گول سوعىپ, ەلوردالىق كلۋبتى العا شىعارعان بولاتىن. 41-مينۋتتا چەحيالىقتار تەپكەن بۇرىشتاما دوپ باحتيار زاينۋتدينوۆكە ءتيىپ, «استانانىڭ» قاقپاسىنا ەنىپ كەتتى.
دەگەنمەن, اۆتوگولعا قاراماستان, ەلوردالىقتار ەكپىنىن باسەڭدەتكەن جوق. ماتچتىڭ 88-مينۋتىندا مارين توماسوۆتان پاس العان قورعاۋشى ەۆگەني پوستنيكوۆتىڭ سول اياعىمەن تەپكەن دوبى قارسىلاس كلۋب قاقپاسىنىڭ توعىزدىعىندا تۋلاپ جاتتى.
وسىلايشا, 4 ويىننان كەيىن 8 ۇپاي جيناعان «استانا» ءوز توبىندا كوش باسىنداعى ورنىن نىعايتا ءتۇستى.
دايىنداعان ءالي بيتورە,
«ەگەمەن قازاقستان»
