تۋرنير وبلىستىق دەپ اتالسا دا وعان بالۋاندار ەلىمىزدىڭ وبلىستارىنان, وبلىس اۋداندارى مەن قالالارىنان جانە رەسەي مەن قىرعىزستاننان دا كەلىپ قاتىستى. ۆلاديمير پەتروۆيچ ءومىرىنىڭ سوڭىنا دەيىن گرەك-ريم كۇرەسىنەن وبلىستاعى باس جاتتىقتىرۋشى بولدى. ونىڭ الدىنان جۇزدەگەن سپورتشى شاكىرتتەر شىنىعىپ شىقتى. وبلىستىق دەنەشىنىقتىرۋ جانە سپورت باسقارماسىنىڭ باسشىسى ەۆگەني ءۆيليامستىڭ ايتۋىنشا, ۋاقىتىندا گرەك-ريم كۇرەسىنەن قازاقستان قۇراماسىنىڭ جارتىسىنان كوبى قوستاناي گرەك-ريم كۇرەسى مەكتەبىنىڭ تۇلەكتەرى بولاتىن.
جاتتىقتىرۋشى ۇستازدى ەسكە الۋ ءۇشىن ونىڭ سپورتتا ۇلكەن جەتىستىكتەرگە جەتكەن دوستارى مەن شاكىرتتەرى كەلدى. ولاردىڭ اراسىندا اتلانتا وليمپياداسىنىڭ چەمپيونى يۋري مەلنيچەنكو, الەم كۋبوگىنىڭ 4 مارتە يەگەرى, ەۋروپا چەمپيونى بيسولت دەتسيەۆ, ازيا جانە الەم چەمپيونى باقتيار بايسەيىتوۆ جانە تاعى باسقالار بار.
ۆلاديمير پەتروۆيچ گرەك-ريم كۇرەسىنەن 45 كسرو سپورت شەبەرىن, 3 حالىقارالىق سپورت شەبەرىن, ءبىر قر ەڭبەك سىڭىرگەن سپورت شەبەرىن تاربيەلەگەن ەدى. ولاردىڭ اراسىندا ءوزىنىڭ سەرگەي جانە ۆالەري اتتى ەكى ۇلى دا بار. سەرگەي – قر ەڭبەك سىڭىرگەنگ سپورت شەبەرى بولسا, ۆالەري حالىقارالىق سپور شەبەرى اتاندى.
«ۆلاديمير پەتروۆيچ وليمپيادالىق بيىكتى ماقسات تۇتقان جاتتىقتىرۋشى بولدى.ونىڭ ءومىرى سپورتشىلارعا جانە جالپى جاستارعا ۇلگى-ونەگە» دەدى وبلىس اكىمىنىڭ ورىنباسارى مارات جۇندىباەۆ.
تۋرنيردە بالۋاندار 10 سالماق دارەجەسىندە بەلدەستى. سونىڭ ىشىندە 4 سالماقتا قوستانايلىق بالۋاندار ءبىرىنشى ورىندى جەڭىپ الدى.
ءنازيرا جارىمبەت,
«ەگەمەن قازاقستان»
قوستاناي
