ونىڭ نەگىزگى ماقساتى - فەرمەرلىك شارۋاشىلىقتار مەن حالىقتىڭ جوسپارلى ۆەتەريناريالىق ءىس-شارالاردى ورىنداۋى بويىنشا تولىق اقپارات الۋ.
سونىمەن قاتار, «جوبالىق باسقارۋ» اياسىندا ايماقتا ەلەكتروندى ساۋدا الاڭىن – اگروبيرجانى قۇرۋ جوباسى جۇزەگە اسىرىلۋدا. بۇل تۋرالى وبلىس اكىمى قىرىمبەك كوشەرباەۆ:
- شيكىزاتتى قايتا وڭدەۋدى قامتاماسىز ەتۋ جانە سىرتقى نارىققا ساپاسى جاعىنان عانا ەمەس, باعاسى جاعىنان دا باسەكەگە قابىلەتتى جوعارى ساپالى دايىن ونىممەن شىعۋ مىندەتىن قويىپ وتىرمىز. مەملەكەت باسشىسى اتاپ وتكەندەي, بۇل تۇستا اقىلدى تەحنولوگيالاردى ەنگىزۋ ارقىلى جاقسى ناتيجەگە قول جەتكىزە الامىز. ءبىرىنشى كەزەڭدە ءبىز مالداردى باقىلاۋعا ارنالعان ناۆيگاتورلاردى ىسكە قوستىق, «ەلەكتروندى ۆەتەريناريا» جوباسى مەن اۆتوماتتاندىرىلعان جىلىجاي قۇرىلىسىن جۇزەگە اسىرا باستادى, -دەدى.
بۇل رەتتە كۇرىش شارۋاشىلىعى ءوڭىردىڭ اگروونەركاسىپتىك كەشەنىندە جەتەكشى سالا بولىپ قالا بەرەدى.
بۇگىندە قىزىلوردالىق شارۋالار مونعوليا, تۇركيا, اۋعانستان نارىقتارىن يگەرىپ جاتىر. ءداستۇرلى ونىمدەرىنەن بولەك يرانعا ەكسپورتتاۋ ءۇشىن يران سورتتارىن دا شىعارۋ قولعا الىنعان.
باقتيار تايجان,
«ەگەمەن قازاقستان»
قىزىلوردا وبلىسى
