كەزدەسۋ بارىسىندا ءسوز بوستاندىعىنىڭ جانە پىكىر ءبىلدىرۋ قاعيداتتارىن قورعاۋ مەن ىلگەرىلەتۋىنە, قازاقستانداعى باق ينستيتۋتىنىڭ دامۋىنا ىقپال ەتۋگە بايلانىستى, ونىڭ ىشىندە زاڭنامالىق نەگىزىندە, وزەكتى ماسەلەلەر تالقىلاندى.
تاراپتار قازاقستان مەن ۇيىمنىڭ ءوزارا ءىس-قيمىلىنىڭ ديناميكاسىن جوعارى باعالاپ, ءبىزدىڭ ەلىمىزدىڭ ءرولىن, اسىرەسە 2010 جىلى توراعالىق ەتكەن كەزىندەگى 21 عاسىرداعى جالعىز ءسامميتتىڭ ءوتۋى جانە تاريحي استانا دەكلاراتسياسىن قابىلدانعانىن اتاپ ءوتتى. ءىرى ەلدەر اراسىنداعى ءوزارا تۇسىنۋشىلىكتى تابۋعا باعىتتالعان ءوزىنىڭ بىتىمگەرلىك باستامالارىمەن پرەزيدەنت نۇرسۇلتان نازارباەۆتىڭ بەدەلى تانىمال اتاپ ءوتىلدى.
ق.ءابدىراحمانوۆ ەقىۇ-نىڭ باق بوستاندىعى ماسەلەلەرى جونىندەگى وكىلىنىڭ قىزمەتىن, ونىڭ ىشىندە ەقىۇ-نىڭ باق بوستاندىعى جونىندەگى وكىلىنىڭ وفيسىمەن تيىستى مەملەكەتتىك ورگاندارى اراسىنداعى ءتيىمدى ىنتىماقتاستىقتى قۇپتادى.
ا. دەزير قازاقستان تاراپىنا باق بوستاندىعى جونىندەگى وكىلى ءوفيسىنىڭ جۇمىسىنا وڭ باعا بەرگەنى ءۇشىن العىسىن بىلدەرە وتىرىپ, قازاقستاننىڭ ەقىۇ قىزمەتىندەگى سىندارلى ءرولىن اتاپ ءوتتى.
ەقىۇ-نىڭ جوعارى دارەجەلى وكىلى ەقىۇ-نىڭ 20-شى مەرەيتويلىق ورتالىق ازيا مەديا كونفەرەنتسياسىنىڭ «جۋرناليستيكانىڭ بولاشاعى» تاقىرىبىنا ارنالعان جۇمىسىنا قاتىسۋى ءۇشىن ەكى كۇندىك ساپارمەن استاناعا كەلدى.
ورتالىق ازيا مەديا كونفەرەنتسياسىنىڭ كۇن تارتىبىنە تسيفرلىق ترانسفورماتسيا داۋىرىندەگى اقپاراتتىڭ ساپاسى مەن جۋرناليستيكانىڭ بولاشاعى, «جالعان جاڭالىقتار مەن جالعان اقپارات», سونداي-اق جەلىدە پىكىر ءبىلدىرۋ بوستاندىعى بويىنشا ماسەلەلەر كىرەدى.
كونفەرەنتسياعا 100-گە جۋىق جەرگىلىكتى جانە شەتەلدىك جۋرناليستەر, ازاماتتىق قوعام ۇيىمدارىنىڭ وكىلدەرى مەن اكادەميالىق توپتار, ايماقتاعى بۇقارالىق اقپارات قۇرالدارىنىڭ ەركىندىگى ماسەلەلەرىن تالقىلايتىن حالىقارالىق ساراپشىلار قاتىسۋدا.
ەقىۇ-نىڭ مەديا كونفەرەنتسياسىنىڭ شەڭبەرىندە ا. دەزير اقپارات جانە كوممۋنيكاتسيا ءمينيسترى داۋرەن اباەۆپەن دە كەزدەستى.
