تالانتتى قىزدىڭ حالىقارالىق ءبىلىم جارىسىنا دايىندالۋىنا ۇستازدارى اندرەي ليسوۆسكي مەن گالينا ليسوۆسكايا جەتەكشىلىك جاسادى. بيىل WorldSkills Hi-Tech چەمپيوناتىنا رەسەيدىڭ ءوزىنىڭ بارلىق شالعايىنان جانە 9 ەلدەن 597 ۇمىتكەر قاتىستى. وعان رەسەيدەن جانە باسقا ەلدەردەن 450 ساراپشىلار كەلدى. رەسەيدىڭ ءوندىرىستى ەكاتەرينبۋرگ قالاسىنداعى «ەكاتەرينبۋرگ-ەكسپو» حالىقارالىق كورمە ورتالىعىندا ءۇش كۇن بويى وتكەن بايقاۋدا 40 قۇزىرەت بويىنشا 36 كوماندا باق سىناستى. وندا نەگىزىنەن ماشينا جاساۋ ىسىنە ماڭىز بەرىلدى.
ء«بىزدىڭ وقۋشىلار بۇل جارىسقا بۇرىن دا قاتىسقان ەدى. وندا ءۇشىنشى ورىن العان بولاتىن, بيىل ەكىنشى ورىندى يەلەندىك. بايقاۋدا روبوت تەحنيكاسى, ماشينا جاساۋ جانە باسقا دا اتالىمدار بار. ءبىز «ينجەنەرلىك ديزاين» باعىتىن تاڭدادىق. ناستيا 4 جىلدان بەرى ماشينا جاساۋ ءىسىن جۇرگىزەتىن قوسىمشا ساباققا قاتىسىپ كەلەدى» دەيدى مۇعالىمى اندرەي ليساكوۆسكي. ادەتتە, ماشينا جاساۋ, قۇراستىرۋ, روبوت تەحنيكالارىنا ەر بالالاردىڭ ىنتاسى مول بولادى. ال گيمنازيادا اناستاسيا وسى باعىتتى تاڭدادى. مۇعالىمدەرى ونىڭ دارىندىلىعىن بايقايدى.
ءنازيرا جارىمبەت,
«ەگەمەن قازاقستان»
قوستاناي
