جوبا 2015-2019 جىلدارعا ارنالعان قر يندۋستريالدى-يننوۆاتسيالىق دامۋ مەملەكەتتىك باعدارلاماسى اياسىندا جۇزەگە اسىرىلۋدا جانە وندىرىستىك قۋاتتاردى تاسىمالداۋ بويىنشا 51 بىرلەسكەن قازاقستان-قىتاي جوبالارىنىڭ تىزىمىنە ەنگىزىلگەن.
«اعىمداعى جىلدىڭ جەلتوقسان ايىندا ءبىز قازاقستان-قىتاي ىنتىماقتاستىعى باعدارلاماسى اياسىندا جۇزەگە اسىرىلىپ جاتقان تامپوناجدى تسەمەنت زاۋىتىن مەرزىمىنەن بۇرىن ىسكە قوسامىز», دەدى ايماق باسشىسى .
قازىرگى ۋاقىتتا نىساننىڭ بارلىق قۇرىلىس جۇمىستارى اياقتالىپ, جابدىقتاردى مونتاجداۋ جۇمىستارى جۇرگىزىلۋدە.
ايتا كەتەيىك, كاسىپورىندا 260-تان استام ادام جۇمىس ىستەيتىن بولادى. جەرگىلىكتى سالىق كولەمى ارتادى, سونداي-اق, ءوندىرىستى ىسكە قوسۋ ارقىلى تسەمەنتكە ارنالعان قاپتار, اسفالت بەتونعا مينەرالدى شاڭ شىعاراتىن شاعىن جانە ورتا كاسىپورىنداردى اشۋعا مۇمكىندىك بەرەدى.
سونىمەن قاتار, اۋداندىق كوللەدجدى بىتىرگەن 48 جاس مامان قىتاي زاۋىتتارىندا قوسىمشا ءبىلىم الدى. قىتايلىق ينۆەستورلار شيەلى يندۋستريالدى-اگرارلىق كوللەدجىنىڭ بازاسىندا جەرگىلىكتى جاستار اراسىنان 80 ماماندى دايارلىقتان وتكىزۋدە.
تامپوناجدى تسەمەنت مۇناي-گاز جانە اتوم ونەركاسىبىندە كەڭىنەن قولدانىلادى. اسىرەسە, اپاتتى جانە قالپىنا كەلتىرۋ جۇمىستارىن جۇرگىزۋدە تاپتىرماس زات بولىپ تابىلادى. بۇدان باسقا, شىعارىلاتىن ءونىم قاتتى ايازعا, سۋعا جانە كورروزياعا قارسى ءتوزىمدى, تسەمەنتتىڭ تاعى ءبىر ماڭىزدى سيپاتتاماسى 10-12 ساعاتتا كەبەدى.
