ەرتە جاستان سىبايلاس جەمقورلىقتى جالپى قابىلداماۋ جانە قارسى كوزقاراستى قالىپتاستىرۋ ماقساتىندا ۇيىمداستىرىلعان شاراعا 250 ءتالىم-تاربيە الاتىن جاس جەتكىنشەكتەر قاتىستى.
قاتىسۋشىلار قاتارىندا سونداي-اق, اقتوبە وبلىسىنا ءىس ساپارمەن كەلگەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وكىلى ارمان بەردالين جانە قوعام قايراتكەرى, رەسپۋبليكالىق ارنايى مونيتورينگتىك توپ مۇشەسى الدان مەنكەەۆ تە بولدى.
2 بولىكتەن تۇراتىن شارادا بالالار ءوز ونەرلەرىن كورسەتىپ, سىبايلاس جەمقورلىققا قارسى تاقىرىپتا تەاترلاندىرىلعان قويىلىمدارعا قاتىسىپ, ولەڭ وقىپ, پاتريوتتىق اندەر ورىندادى.
«قوعامنىڭ قاتىسۋىنسىز سىبايلاس جەمقورلىققا قارسى تۇرۋ مۇمكىن ەمەس. وسى ۇردىسكە جاس ۇرپاقتى تارتۋ, بولاشاق مامانداردىڭ سىبايلاس جەمقورلىققا قارسى كوزقاراسىن قالىپتاستىرۋعا دەگەن سەنىمدىلىك بەرەدى», - دەدى اقتوبە وبلىسىنىڭ مەملەكەتتىك قىزمەت ىستەرى جانە سىبايلاس جەمقورىلىققا قارسى ءىس-قيمىل دەپارتامەنتى باسشىسىنىڭ ورىنباسارى رافحات بيسەنوۆ.
بۇگىنگى كۇنى وبلىستا 35 مىڭعا جۋىق مەكتەپ وقۋشىلارىنان قۇرالعان 384 «ادال ۇرپاق» كلۋبى جۇمىس جاسايدى. كلۋبتار ەرىكتى تۇردە قۇرىلعان.
ءىس-شارا سىبايلاس جەمقورلىققا قارسى باعىتتالعان بايقاۋلاردىڭ جەڭىمپازدارى مەن بەلسەندىلەرىن ماراپاتتاۋ راسىمىمەن اياقتالدى.
تەمىر قۇسايىن,
«ەگەمەن قازاقستان»
