«كەلەسى جىلدان باستاپ تاۋارلار مەن كورسەتىلەتىن قىزمەت ساپاسىن جانە قاۋىپسىزدىگىن باقىلاۋ كوميتەتى جۇمىسىن باستايتىن بولادى. بۇگىندە حالىق تۇتىنىپ وتىرعان زاتىنىڭ ساپاسىنا اسا ءمان بەرمەيدى. تۇتىناتىن زاتتىڭ ساپاسىن كوتەرۋ ارقىلى ادامدارىڭ ءومىر ءسۇرۋ ساپاسىن جاقسارتۋعا بولادى. مەنىڭ ويىمشا, حالىقتىڭ ءال-اۋقاتى ەكى نارسەگە ءمان بەرگەن جاعدايدا الدەقايدا جاقسارعان بولار ەدى. وزىمىزدەن شىعىپ جاتقان ونىمدەردى ساپالى ءوندىرىپ, سول ونىمدەردى قايتادان ءوزىمىز دۇرىس پايدالانا ءبىلۋدى ۇيرەنگەن جاعدايدا جانە ونىمدەردى, تاۋارلاردى, قىزمەت تۇرلەرىن پايدالانۋدا تۇتىنۋشىلاردىڭ قۇقىقتارىن قورعاۋدى جولعا قويعاندا جاقسى بولادى. ءار ادام ەلباسىنىڭ جولداۋىن وقىپ, وزىنە قاجەتتى تۇستارىن «مەن نە ىستەي الامىن؟», «وتباسىمنىڭ, كورشى-كولەمنىڭ, جالپى حالىقتىڭ ءومىر ءسۇرۋ جاقسارتۋعا قالاي ۇلەس قوسامىن؟» - دەگەن سۇراقتارعا جاۋاپ ىزدەي وتىرىپ, العان ءبىلىمىن ومىرلىك تاجىريبەدە ىسكە اسىرا ءبىلۋى كەرەك دەپ ويلايمىن», - دەدى نۇرساۋلە مۇساەۆا.
ءباسپاسوز كونفەرەنتسياسىنا «100 جاڭا ەسىم» جوباسىنىڭ جەڭىمپازى سىمبات ءابدىراحمانوۆا جانە قورقىت اتا اتىنداعى قمۋ وقىتۋشىسى, ءدىنتانۋ ماگيسترى الىبەك جاپپاسباەۆ قاتىسىپ, ەلباسى جولداۋىنا بايلانىستى ءوز ويلارىن ورتاعا سالدى.
باقتيار تايجان,
«ەگەمەن قازاقستان»
قىزىلوردا وبلىسى
