ەلباسى ن.ءا.نازارباەۆتىڭ بيىلعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» تاقىرىبىنداعى جولداۋى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى», «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋلارىمەن قاتار «بولاشاققا باعدار: رۋحاني جاڭعىرۋ» ماقالاسىنىڭ جالعاسى ىسپەتتى. بيىلعى جولداۋ جۇرتشىلىق تاراپىنان كەڭ قولداۋعا يە بولىپ, كوپتەگەن جاقسى پىكىرلەر ايتىلۋدا. جولداۋدا ايتىلعان مىندەتتەر مەن ماقساتتار حالىقتىڭ ءال-اۋقاتىن ارتتىرىپ, كوپتەگەن الەۋمەتتىك ماسەلەلەردىڭ شەشىلۋىنە ىقپال ەتەرى ءسوزسىز.
داعدارىس جىلدارىندا الەمنىڭ كوپتەگەن وركەنيەتتى وزىق ەلدەرى ءوز حالقىن الەۋمەتتىك قولداۋدان شەكتەپ قويعان تۇستا, مەملەكەت باسشىسىنىڭ تاپسىرمالارىنا سايكەس ءار جىلدارداعى الەمدىك قارجىلىق داعدارىس جاعدايلارىنا قاراماستان قازاقستاندا بيۋدجەتتىك سالا قىزمەتكەرلەرىنىڭ ەڭبەكاقىلارىن, جالپىلاي العاندا حالىقتىڭ الەۋمەتتىك ءالجۋاز توپتارىنا بەرىلەتىن زەينەتاقى مەن تولەمدەر ارتتىرىلىپ وتىردى.
مەملەكەت باسشىسى بيىل ەڭ تومەنگى جالاقىنىڭ مولشەرىن 1,5 ەسەگە ارتتىرۋدى تاپسىردى. بۇل ارقىلى 2019 جىلدىڭ 1 قاڭتارىنان باستاپ جالاقىسى تومەن 1,3 ميلليون قازاقستاندىقتىڭ كىرىسى وسەدى. ارحيۆ قىزمەتكەرلەرى دە جاعىمدى جاڭالىققا بەك قۋانىشتى. بۇل ءوز كەزەگىندە وسى سالاعا قىزىعۋشىلىعى بار مامانداردى ىنتالاندىرادى. سەبەبى, الەۋمەتتىك سالا قىزمەتكەرلەرى اراسىندا ەڭ تومەنگى جالاقى الاتىن – ارحيۆ سالاسىنىڭ قىزمەتكەرلەرى ەكەنىن ايتا كەتەيىك. بىراق جالاقى از دەپ سالا ماماندارى ەشقاشان قول قۋسىرىپ وتىرعان جوق. «ورتالىق مەملەكەتتىك كينو-فوتوقۇجاتتار مەن دىبىس جازبالارى ءارحيۆى» رمم-ندە قازىرگى تاڭدا 27 مامان قىزمەت اتقارادى. ونىڭ 20-سى جوعارى ءبىلىمدى, بىلىكتى ماماندار. ولار كينو تاريحىن, ءان ونەرىن, مادەنيەت پەن سالت-داستۇرلەردى زەرتتەۋ ءۇشىن قازاقستاندىقتارعا قۇندى قۇجاتتاردىڭ قولجەتىمدى بولۋىنا جاعداي جاساپ كەلەدى. نەگىزى, پرەزيدەنتتىڭ قاي جىلعى جولداۋىن الساق تا, حالىقتىڭ تۇرمىسىن جاقسارتىپ, ەل ەكونوميكاسىن كوتەرۋمەن قاتار, جاستاردىڭ جۇمىسپەن قامتىلۋىنا باسا نازار اۋداراتىنىن كورەمىز. ءبىلىمدى جاستاردى جۇمىسپەن قامتۋ بويىنشا ءارحيۆىمىز قالىس قالىپ وتىرعان جوق. بيىلدىڭ وزىندە ارحيۆىمىزگە 5 بىردەي جاس مامان جۇمىسقا ورنالاستى.
جولداۋدا ەلباسى ۇلتتىق جاڭعىرۋ كوميتەتىن قۇرۋدى تاپسىردى. ۇلتتىق جاڭعىرۋ – رۋحاني جاڭعىرۋمەن بىتە قايناسىپ جاتىر دەسەك, مەملەكەت باسشىسى اتاپ كورسەتكەن باعىت-باعدارلاردىڭ اراسىندا قازاقستاندىقتار جاڭالىقتارعا زەرەك بولىپ, جاھاندىق ۇدەرىستەرگە ىلەسۋ ارقىلى باسقا ەلدەردىڭ وزىق جەتىستىكتەرىن بويعا سىڭىرۋگە دايىن بولۋلارى قاجەت ەكەنى ايتپاسا دا تۇسىنىكتى. سونداي-اق حالىقتىڭ تاريحي جادى مەن رۋحاني قۇندىلىقتارى قازاقستاننىڭ بۇگىنگى تاڭداعى وزەكتى ماسەلەلەرىن شەشۋگە كومەكتەسەتىن فاكتور. ادامدى ءتىلى, ءدىنى, ءدىلى, مادەنيەتى, سالت-داستۇرلەرى ارقىلى عانا تاربيەلەۋگە بولادى. بۇل قۇندىلىقتار ارحيۆ سالاسىمەن تىعىز بايلانىستى. ادام تاريحتىڭ تامىرىن ارحيۆتەن ىزدەپ تابادى. ءوز جەرىن, ەلىن تانىپ-بىلگەن, رۋحاني قۇندىلىقتارمەن سۋسىنداعان, ونى بويىنا سىڭىرگەن ازاماتتار عانا ناعىز وتانشىل پاتريوت بولماق.
قازىرگى تاڭدا ءبارىمىزدىڭ الدىمىزدا تۇرعان ەڭ باستى مىندەت – پرەزيدەنتتىڭ جولداۋىن حالىققا ءتۇسىندىرۋ جانە ونىڭ جۇزەگە اسىرىلۋ بارىسىنا قوعامدىق تۇرعىدا اتسالىسۋ. ەلباسى جۇكتەگەن مىندەتتەردى ابىرويمەن اتقارۋىمىز كەرەك. بيىلعى جولداۋ بارشا قازاقستاندىقتاردىڭ جاعدايىن جاقسارتىپ, ءال-اۋقاتىن ارتتىرۋعا باعىتتالعان الەۋمەتتىك وزگەرىستەردىڭ كەشەندى باعدارلاماسى دەسەك تە بولعانداي. ەڭ باستىسى, ەلگە بىرلىك پەن ىنتىماق كەرەك. ەلباسى ايتقانداي, بىرلەسكەن كۇش-جىگەرىمىزدىڭ ارقاسىندا عانا ءبىز ۇلى اسۋلاردى باعىندىرا الامىز!
تاسقىن تويباەۆ,
«ورتالىق مەملەكەتتىك كينو-فوتوقۇجاتتار مەن دىبىس جازبالار ءارحيۆى» رمم ديرەكتورى
