ادەبيەت • 29 قازان، 2018

قازاقستاننىڭ حالىق جازۋشىسى مۇزافار الىمباەۆتىڭ تۋعانىنا - 95 جىل

433 رەت كورسەتىلدى

بۇگىن - اقىن، قازاقستاننىڭ حالىق جازۋشىسى، ەڭبەك سىڭىرگەن مادەنيەت قىزمەتكەرى، قازاقستان مەملەكەتتىك سىيلىعىنىڭ لاۋرەاتى مۇزافار الىمباەۆتىڭ تۋعان كۇنى.

جازۋشى پاۆلودار وبلىسىنىڭ شارباقتى اۋدانىندا تۋعان. ۇلى وتان سوعىسىنا قاتىسقان.

قازاق مەملەكەتتىك ۋنيۆەرسيتەتىن بىتىرگەن.

1948-1986 جىلدارى «پيونەر» جۋرنالىندا، «قازاق ادەبيەتى» گازەتىندە ءبولىم مەڭگەرۋشىسى، باس رەداكتوردىڭ ورىنباسارى، «بالدىرعان» جۋرنالىنىڭ باس رەداكتورى بولدى. العاشقى جيناعى «قاراعاندى جىرلارى» دەگەن اتپەن 1952 جىلى جارىق كوردى. اقىننىڭ 52 كىتابى شىققان.

«قۇربىما»، «ليريكا»، «مەنىڭ قازاقستانىم»، «جولدار - جىرلار»، «جۇرەك ءلۇپىلى»، «وشپەس وت»، «ولەڭدەر مەن پوەمالار»، ت.ب. ولەڭ كىتاپتارى نازىك ليريزم مەن ازاماتتىق اۋەنگە تولى. الىمباەۆتىڭ 300-دەي ولەڭىنە ءان جازىلعان، بىرنەشە ءان كىتاپتارى شىققان. اقىن قازاق بالالار ادەبيەتىن دامىتۋعا كوپ ەڭبەك ءسىڭىردى. «مەنىڭ ويىنشىعىم»، «وتپەن ويناما»، «وراق-ولاق»، «شىنىقساڭ - شىمىر بولارسىڭ»، ت.ب. كىتاپتارى قازاق بالالار ادەبيەتىنە قوسىلعان ەلەۋلى ۇلەس بولدى.

الىمباەۆ ماقال-ماتەلدەردى جيناۋ، زەرتتەۋ، باسقا حالىقتار ماقالدارىن قازاق تىلىنە اۋدارۋ جۇمىستارىمەن دە اينالىسىپ كەلەدى: «666 ماقال مەن ماتەل»، «ماقال - ءسوزدىڭ مايەگى»، «ورنەكتى ءسوز - ورتاق قازىنا»، «ماقالناما»، «مارجان ءسوز»، «ناقىلدار»، «باتامەن ەر كوگەرەر». «حالىق - عاجاپ تالىمگەر»، «ناقىلدىڭ توركىنناماسى»، ت.ب.جيناقتار مەن زەرتتەۋ ەڭبەكتەرى بار. سىن-زەرتتەۋ سالاسىندا «قالام قايراتى»، «كوڭىل كۇندەلىگىنەن»، ء«ومىر، ونەر، ونەرپاز»، «تولقىننان تولقىن تۋادى»، «كوڭىل كۇندەلىگى»، «كورگەندەرىم كوڭىلدە» ەڭبەكتەرى جارىق كوردى. الەم ادەبيەتىنىڭ كەيبىر ۇزدىك شىعارمالارىن قازاق تىلىنە اۋداردى. الىمباەۆتىڭ ولەڭدەرى 38 تىلگە اۋدارىلعان. بىرنەشە وردەندەرمەن ماراپاتتالعان.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

ۇقساس جاڭالىقتار