ولاردىڭ ەكەۋى –قىزىلجار ءوڭىرىنىڭ وكىلدەرى. اگروفورۋمدا ەلباسىنىڭ تاپسىرماسىنا وراي ەڭبەك ونىمدىلىگىن ارتتىرۋ جانە اۋىل شارۋاشىلىعىنىڭ قايتا وڭدەلگەن ونىمدەرىنىڭ ەكسپورتىن ۇلعايتۋ ماسەلەلەرى قارالدى. وعان ۇلگىلى شارۋاشىلىقتار شاقىرىلدى. وبلىس اۋماعىندا جۇمىس ىستەيتىن «اتامەكەن-اگرو» جشس-ءى تسيفرلاندىرۋدىڭ وزىق تەحنولوگيالارىن كەڭىنەن قولدانىپ كەلەدى. ناتيجەسىندە سەرىكتەستىكتە ەڭبەك ونىمدىلىگى سوڭعى 4 جىلدا 2 ەسە ارتتى. وسىنداي جوعارى جەتىستىكتەرى ءۇشىن «اوك-تەگى تسيفرلاندىرۋدىڭ كوشباسشىسى» نوميناتسياسىنا لايىق دەپ تانىلدى.
تاعى ءبىر باس جۇلدە بىلىكتى ديقان سەيىلبەك ماحمەتوۆكە تاپسىرىلدى. ايىرتاۋ اۋدانىنداعى «بابىق-بۇرلىق» سەرىكتەستىگى «اوك ءونىمى ءوندىرىسىنىڭ رەكوردشىسى» اتاعىنا يە بولدى. بيىل مۇندا جەكەلەگەن تاناپتاردا بيدايدىڭ رەكوردتىق كورسەتكىشى جاڭارتىلىپ, گەكتار بەرەكەلىگى 62,5 تسەنتنەردەن اينالدى. شارۋاشىلىق بويىنشا ورتاشا ونىمدىلىك 40 تسەنتنەردى قۇرادى.
«بابىق-بۇرلىقتىڭ» باسشىسى سەيiلبەك ماحمەتوۆ– وبلىستاعى ۇلگi تۇتارلىق ازاماتتاردىڭ ءبىرى. تومەنگi بۇرلىق اۋىلىندا تۇرعىندارعا بارلىق جاعداي جاسالعان. ورتاشا ەڭبەكاقى– 141 مىڭ تەڭگە. ۇيلەرگە ورتالىقتاندىرىلعان جىلىتۋ جۇيەسi تارتىلعان . كەلەسi جىلى جۇمىسشىلارعا ارناپ باسپانالار سالىنادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
