اتر رەيتينگىندە 71 ورىندا تۇرعان جەرلەسىمىز ءوزىنىڭ تۇساۋكەسەر كەزدەسۋىن گريگور ديميتروۆقا قارسى وتكىزدى. بۇل كۇندەرى الەمنىڭ 10 راكەتكاسى اتانىپ وتىرعان 27 جاستاعى بولگاريانىڭ اتاقتى تەننيسشىسى «ۇلكەن دۋلىعا» تۋرنيرلەرىندە ورەلى ويىن ورنەگىمەن كوزگە ءتۇسىپ جۇرگەنىن جانكۇيەرلەر جاقسى بىلەدى. كەزىندە ول ۋيمبلدون دوداسى مەن اۆستراليانىڭ اشىق بىرىنشىلىگىندە جارتىلاي فينالعا دەيىن جەتكەن. اتر تۋرنيرلەرىندە 8 مارتە توپ جاردى. وسىنداي مىقتى قارسىلاسپەن وتكەن باسەكە 2 ساعات 23 مينۋتكە سوزىلىپ, 6:4, 4:6, 6:4 ەسەبىمەن ميحايل كۋكۋشكيننىڭ پايداسىنا شەشىلدى.
ەكىنشى اينالىمداعى كەزدەسۋىن جەرلەسىمىز اندرەي رۋبلەۆقا قارسى وتكىزەدى. ۇزدىكتەر تىزىمىندە 76 ورىندا تۇرعان 21 جاستاعى رەسەي تەننيسشىسىنىڭ ەڭ ۇزدىك ناتيجەسى – 2017 جىلى نيۋ-يوركتە وتكەن اقش-تىڭ اشىق بىرىنشىلىگىنىڭ شيرەك فينالىنا شىعۋى. وسى جارىستاعى العاشقى كەزدەسۋىندە رۋبلەۆ امەريكالىق دەنيس كۋدلانى 7:6, 6:0 ەسەبىمەن قاپى قالدىرعان بولاتىن.
عالىم سۇلەيمەن,
«ەگەمەن قازاقستان»
