«قازاقستان پرەزيدەنتى نۇرسۇلتان نازارباەۆتىڭ 2018 جىلدىڭ قاڭتار ايىندا اقش-قا رەسمي ساپارىنىڭ ناتيجەسىندە قول جەتكىزىلگەن ۋاعدالاستىقتارعا سايكەس ۇستىمىزدەگى جىلدىڭ 24-25 قازان ارالىعىندا اقش-تىڭ ساۋدا ءمينيسترى ۋيلبەر روسستىڭ قازاقستانعا ساپارى بولادى. ساپار شەڭبەرىندە قازاقستان-اقش اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىق پەرسپەكتيۆالارىن تالقىلاۋ جوسپارلانۋدا. ساپار بارىسىندا ۋيلبەر روسستىڭ مەملەكەت باسشىسى جانە ۇكىمەت مۇشەلەرىمەن كەزدەسۋى, سونداي-اق استانا جانە الماتى قالالارىندا ەكى ەلدىڭ ىسكەر توپتارى وكىلدەرىنىڭ قاتىسۋىمەن قازاقستاندىق-امەريكالىق بيزنەس-فورۋمدار ۇيىمداستىرىلادى», - دەيدى ايبەك سمادياروۆ.
قر ءسىم رەسمي وكىلىنىڭ ايتۋىنشا, اقش-تىڭ ساۋدا ءمينيسترىنىڭ قازاقستانعا ساپارى ەكىجاقتى قاتىناستار تاريحىنداعى العاشقى ساپار بولىپ وتىر. بۇل ساپار ەكى ەلدىڭ اراسىنداعى ستراتەگيالىق ارىپتەستىكتى, سونىڭ ىشىندە ساۋدا جانە ەكونوميكا, ينۆەستيتسيا سالالارىن ودان ارى دامىتۋعا ىقپال ەتەدى.
«ايتا كەتەتىن جايت, ستاتيستيكاعا سايكەس, 2017 جىلى قازاقستاننىڭ اقش-پەن ساۋدا كولەمى 1 ملرد 518 ملن اقش دوللارىن قۇرادى. سونىڭ ىشىندە قازاقستاننىڭ اقش-قا ەكسپورت كولەمى 354,6 ملن اقش دوللارىن قۇراسا, اقش-تىڭ قازاقستانعا يمپورت كولەمى 1 ملرد 164 ملن اقش دوللارىن قۇرادى. 2018 جىلدىڭ قاڭتار-تامىز ايلارىنىڭ ارالىعىندا ەكى ەلدىڭ اراسىنداعى ساۋدانىڭ كولەمى 1 ملرد 462 ملن اقش دوللارىنا جەتتى. بۇل كورسەتكىش 2017 جىلدىڭ ۇقساس كەزەڭىمەن سالىستىرعاندا 29 پايىزعا جوعارى», - دەيدى ول.
