گۆاتەمالا مەن مەكسيكانى بايلانىستىراتىن كوپىردە حالىق ءالى دە جاڭا قونىسىن كۇتۋدە. بۇعان دەيىن مەكسيكا بيلىگى «ميگرانتتار كەرۋەنىندەگى» ايەلدەر مەن بالالارعا شەكارانىڭ اشىق بولاتىنىن حابارلادى. گوندۋراستان باعىت العان كەرۋەن مەكسيكانىڭ وڭتۇستىك شەكاراسى ارقىلى اقش-قا بەت العان. بىراق سەنبى كۇنى اقش پرەزيدەنتى دونالد ترامپ مەملەكەت شەكاراسىن جابۋعا بۇيرىق بەرەتىنىن ايتقان بولاتىن.
بوسقىندارعا قايىرىمدىلىق قورلاردىڭ ەرىكتىلەرى كومەكتەسىپ جاتىر. سولاردىڭ ءبىرى – فلور سەدرەل. «حالىق قاپالى, ولاردى كوپىردەن وتكىزبەي جاتىر. شەكارادان وتكەندەر تۋرالى ناقتى اقپارات جوق. مەكسيكاعا قونىس اۋدارعانداردىڭ دا جالپى سانى بەلگىسىز. ورنالاستىرۋ ورتالىقتارىنا الىپ كەتكەندەردەن حابار الا المادىق», دەدى ۋايىمىن جاسىرماعان ەرىكتى.
شەكارادان زاڭسىز ءوتىپ جاتقاندار دا از ەمەس. مەكسيكاعا ءوز بەتىمەن جەتۋگە بەل بۋعانداردىڭ سانى مىڭنان اسادى. ولار تىركەلىپ, كوپىر ارقىلى وتپەي, كوپىر استىنداعى وزەن ارقىلى قولدان جاسالعان قايىقتارمەن ءزاڭسىز وتىپ جاتىر.
گوندۋراس باسشىلىعى كەرۋەندەگى 2000 ادام ەلىنە ورالۋعا كەلىسىم بەرگەنىن مالىمدەدى.
