«سۇيىسپەنشىلىك ساباقتارى» – بۇل سارا نازارباەۆانىڭ پەداگوگتار, وقۋشىلار جانە تۇلەكتەرمەن ءداستۇرلى كەزدەسۋى. بۇل جولى اتالعان شاراعا ەلىمىزدىڭ بارلىق ايماقتارىنان كەلىپ, «بوبەك» ورتالىعىندا ء«وزىن-ءوزى تانۋ» باعدارلاماسى بويىنشا بىلىكتىلىكتى ارتتىرۋ كۋرستارىندا ءبىلىم الىپ جاتقان ۇستازدار قاتىستى. باعدارلاما اۆتورى پەداگوگتارعا قازىرگى كەزدەگى الەمدەگى رۋحاني جانە ادامگەرشىلىك قۇندىلىقتارى تۋرالى ايتا كەلە, بالانىڭ جەكە تۇلعا رەتىندە قالىپتاسۋىنداعى مۇعالىمدەردىڭ اتقاراتىن ءرولىنىڭ ماڭىزدىلىعىنا توقتالىپ, ادامنىڭ شىنايى باقىتى تۋرالى ءوزىنىڭ وي-پىكىرىمەن ءبولىستى.
– ءار نارەستە شىر ەتىپ, دۇنيەگە كەلگەندە ونىڭ كەلەشەگى مەن تاعدىرى پەشەنەسىنە جازىلادى. ال مەنىڭ ماڭدايىما اتا-انانىڭ قامقورلىعىنسىز قالعان بالالارعا جەبەۋ بولۋ جازىلعان ەكەن, – دەيدى سارا الپىسقىزى.
سونداي-اق سارا نازارباەۆا حانىم ەلىمىزدەگى بالالاردىڭ مۇددەسىن بارىنشا جوعارى قويۋمەن قاتار, جاس ۇرپاقتىڭ تاعدىرىن رۋحاني-ادامگەرشىلىكپەن ساباقتاستىرىپ, بولاشاق ۇرپاقتى ىزگىلىك بەسىگىنە بولەۋدىڭ قاجەتتىگى جايىندا دا تارتىمدى اڭگىمەنىڭ تيەگىن اعىتتى.
عالىم سۇلەيمەن,
«ەگەمەن قازاقستان»
الماتى
