مينيستر جۇمىس ساپارى اياسىندا تالدىقورعان قالاسىندا جاڭادان سالىنىپ جاتقان مادەني نىسانداردىڭ قۇرىلىسىمەن تانىستى. سونىڭ ءبىرى – جاقىن كۇندەرى كورەمەندەرگە ەسىك اشاتىن قازاق دراما تەاترىنىڭ عيماراتى. الەمدىك ۇلگىدە سالىنعان مادەنيەت وشاعى جەتىسۋ ولكەسىندەگى ساۋلەتىنە سالتاناتى جاراسقان بىرەگەي تەاتر بولماق. قازىر تەاتر عيماراتىنىڭ قۇرىلىسى تولىق اياقتالىپ, ارلەۋ جۇمىستارى ءجۇرىپ جاتىر. تاۋەلسىزدىك كۇنى قارساڭىڭدا عيمارات پايدالانۋعا بەرىلمەكشى.
مۇنان كەيىن ارىستانبەك مۇحامەدي ۇلى ايماقتىڭ زيالى قاۋىمى مەن سپورت ساڭلاقتارى باس قوسقان جيىنعا قاتىسىپ, مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنىڭ باسىم باعىتتارىنا توقتالدى.
– ەلىمىزدى شيرەك عاسىردان استام ۋاقىت ارالىعىندا دۇنيە جۇزىنە تانىتتىق. ەلباسىمىزدىڭ سارابدال ساياساتىنىڭ ارقاسىندا ءبىز ءوز ماقساتىمىزدىڭ بيىك مەجەسىن باعىندىردىق. جاھاندانۋ كوشىندە كوش باستاعان 50 مەملەكەتتىڭ ىشىنە ەندىك. ەندى دامىعان ەلدەر ساناتىنا ەنگەن مەملەكەتتىڭ حالقى دا ءال-اۋقاتى جاقسارعان, تۇرمىس ساپاسى تۇزەلگەن ەل بولۋى كەرەك. سول ءۇشىن مەملەكەت باسشىسى بيىلعى جولداۋىن جاريالادى, – دەدى مينيستر سالتانات سارايىندا وتكەن جيىندا.
ءوز كەزەگىندە ءسوز العان الماتى وبلىسىنىڭ اكىمى اماندىق باتتالوۆ ءوڭىردىڭ مادەني ومىرىندەگى جەتىستىكتەر مەن ەكونوميكالىق تابىستارىنا توقتالىپ, ەلباسى جولداۋى الداعى اتقارىلاتىن ىسكە زور جاۋاپكەرشىلىك جۇكتەيتىنىن جەتكىزدى.
– جولداۋدى جەتىسۋلىقتار ۇلكەن ىقىلاسپەن تىڭدادى. بۇل – وسىعان دەيىن جۇزەگە اسىرىلىپ جاتقان ستراتەگيالىق باستامالاردىڭ زاڭدى جالعاسى. ەلباسى جولداۋىندا بەرىلگەن ءاربىر باسىمدىق حالقىمىزدىڭ ءال-اۋقاتىن, تۇرمىس ساپاسىن ارتتىرۋعا باعىتتالعان. بۇل تۇرعىدا وبلىس مەملەكەت باسشىسىنىڭ ءاربىر مىندەتتەمەسىن زور ىقىلاسپەن ورىندايتىن بولادى, – دەدى ايماق باسشىسى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
